Populiarios Biblijos eilutės iš 1 Korintus 1

Dalintis

Ampo' naangka'i Puang Alataala umpillei tau ang nasangane' to lino ”to maho,” anna malai masili yato tau ang si unsanga kalaena ”to manähäng.” Noa tunne' umpillei tau ang malamma anna malai masili yato tau ang si unsanga kalaena matoho.

Kaheba ang kipepainsangnging dianto kamateanna Puang Yesus Kristus yaho di kayu sitambeng ang umbaya' dosanna hupatau. Ponna ke nahingngii yato tau ang la lupano di nahaka inde kaheba, ya' la nasanga pa'karanna to maho. Ampo' pano di kita' ang puha nalahpa' Puang Alataala di hao mai di tahungkunna dosanta, ke tahingngii yato kaheba, ya' la tasangaa' kita' kakuasaanna Puang Alataala.

Aka' pahtuyunna Puang Alataala, ang nasangai to lino ”katomahoang,” setonganna manähäng puha nei' andana kamanähänganna to lino. Noa tunne' yato pembabena Puang Alataala, ang nasangai to lino ”kamalammaang,” setonganna ma'kuasa puha nei' andana kakuasaanna to lino.

Natambaimokoa' Puang Alataala mendahi mesa sibaha Änä'na, Puang Yesus Kristus, Dehatanta, anna tainsang taoatee, yato ang nadandi inang la napasundung.

Oa' solasohong, yaling di kakuasaang ang nabeaä' Puang Yesus Kristus, kupalau anna malakoa' mesa inaha. Daumpaaha kasibehtaang, ampo' diare' mesa inahakoa' yaling di ingkänna pahtuyummu anna pihki'mua'.

Aka kunanna to manähäng? Aka kunanna to pampakuhu ada'na to Yahudi? Aka kunanna tau ang diangka' manähäng ma'kara? Aka' di olona Puang Alataala yato kamanähängang mentolinona katomahoang kaleetee'.