Populiarios Biblijos eilutės iš Sykadyipén 22

Dalintis

Me som Al'fa i Omiega, Pérvo i Palatunó, Anglypén i Kónco (Jagóro).

“Ake, Me javáva sýges (rakiréla Xristóso), – sob (kaj) Me te otdav pale kažnonéske pir dová, so jov kerdiá.

Dúho (Fáno) i terný phenéna: “Jav!” I mek o odová, kon šunéla, te phenél: “Jav!” I mek odová, konéste isyn sméga, te p'jel džiibnáskiro paní bi lovengiro.

Bahtalé isyn odolé, savé rikirenape ke Léskire priphenybená, sob (kaj) lénde te javél pravo ke džiibnáskiro kašt (drévo), i sob (kaj) te zadžál dro fóro pir pórta.

I, ake, Me javáva syges”, – rakiréla Xristóso. “Bahtaló isyn kodová, kon rakhéla proročytka lavá lylvarjakire phenybnastyr pal dová, so javéla angíl.”

I rat na javéla butýr i lénge na javéla trej lampakiro dud (svéto) i dud khamestyr, pal-dová so Raj Devél javéla te del lénge dud. I jone javéna te kralinen pe saré viéki.

Odová, Kon dophenéla saró kadavá, rakiréla: “Čačó. Me javáva syg.” Amín'. Jav, Rajo Dévla, Isúso. Mek bahtalypén Ráskire-Devléskire, Isusóskiro Xristosóskiro te javél tuménca.

Me dophenava kažnonéske, kon šunéla lavá dalé lylvarjakire phenybnastyr pal dová, so javéla angíl, so isyn dro svítko te rakhelpe: kóli vari-kon phenéla lišnima ke davá phenybén, so javéla angíl, tedy Devél bičhavéla fránsy pe kodoleste, pal so isyn čhindló dro davá lylvarjakiro svítko. I kóli vari-kon otlela vari-so dalé lylvarjákire phenybnástyr, so javéla angíl, tedy Devél otlela léskiro štéto džiibnáskire kaštéstyr (drevostyr) dro svénto fóro, pal so isyn čhindló dro davá lylvarjákiro svítko.