Populiarios Biblijos eilutės iš Sykadyipén 21

Dalintis

I Devél vykhosela kažno jasvin léngire jakhéndyr. Meribén butýr na javéla, ni túga, ni roibén, ni dukh. Pal-dová so saró, so sys angíl, xasijá.”

I, Kodová, Kon sys beštó pe trono, phendiá: “Ake, me keráva saró nevó.” I adiáke-pac' phenéla mánge: “Začhin, pal-dová so kadalé lavá isyn čačuné i patiaibnytka.”

I me šundjom zoralý zan tronostyr, so phendiá: “Ake, isyn Devléskiri šátra khetané manušénca! Jov javéla te dživél lénca, i jone javéna Léskire manušá. Kokoró Devél javéla lénca i Jov javéla léngiro Devél.

I Jov phendiá mánge: “Kerdiápe ke kónco (jagóro) (spolnindiape). Me som Al'fa i Omiega, Anglypén i Kónco (Jagóro). Odoléske, konéste isyn smega (žažda), Me dáva te p'jel džiibnáskire-panjóskire ĥanyngorjatyr bi lovengiro.

Odová, kon léla upralypén, priléla davá meknó mištypén Mándyr: Me javáva léske Devél, i jov javéla Miro Čhavó.

A darandúki, napatiaibnáskire, magirdé dro vari-so, zamaribnárja; odolé, kon kerdiá biladžaipén, čovahané, kon klonindiape patyvása (kerde šerésa) idolénge, xohaibnárja-léngiri paš javéla khetané dro ziero (oziero), so xačola jagása i dzeveliása (sierasa); davá isyn-javír meribén.”

I me dykhcjom nevó bolybén i neví phuv. Pérvo bolybén i pérvo phuv xasiné i mórjo (derjáv) butýr nane.

I me, Iáno, dykhcjom Svénto Fóro, nevó Jerusalimo, savó džálas telé Devléstyr bolybnástyr. Fóro sys skedynó i šukar uridó sýrby terný vaš lákire roméske.

Foroske na trej ni kham, ni čhon te del dud (svéto), sob (kaj) te ziainel dro léste. Devléskiri jarko sláva ziainela dudésa dro fóro i Bakroró isyn sýrby momolýtko (svietíl'niko). I manušýtka narody javéna te psirén foróskire dudéstyr, a králja pe phuv janéna péskiro mištypén.