Populiarios Biblijos eilutės iš Judénge 13

Dalintis

Na javén ĥálka (žadna) ke lové, parikirén Devléske pal saró, pal-dová so Jov phendiá: “Me na jačkirava i na mekava tut.”

Isúso Xristóso isyn Adasavó-pac' atasiá, adadyvés i pe saré viéki.

Paldavá ame zoralés rakirasa: “Devél pomoginela mánge, i mánge nane sóstyr te darav, so moginéla te kerél mánge manúš?”

Na bistren te kerén lačhipén javire manušénge i te dielinenpe (te ulavenpe) (te den kotér (kusko) iléstyr) javire manušénca, pal-dová so dasavé lačhé réndy, sýrby svénto dyibén isyn lačhó Devléske.

Paldavá javása saró časo pir Isusóste te slavinas Devlés lavéngire-sventoné dyibnasa, – davá isyn amaré lavá, kiéli ame pridžinasa, so Jov isyn amaró Raj Devél.

Mek te javél romandunó (suprúžesko) džiibén dre patýv pir saró, i čačipén maškír lénde te na javél magirdó; Devél javéla te sendiakirél biladžakuné manušén i manušén, savé dživéna džuvliénca syr romá bi sovlakiro.

Prilén ilésa manušén, savé javéna ke tumé, pir davá tumé khardé dro kher Jangolen, mek jone na džindlé len.

Devél, Savó déla ramánjo (miro), Savó otdžidiakirdiá muléndyr amaré Ras-Devlés, Isusós Xristosós, Baré Čhupnaris pir rat viečnone Zavietostyr, mek te del Jov zor tuménge te kerén butý lačhés, sob (kaj) te kerén saró tumé pir Léskiri vólia. Mek Jov pir Isusóste Xristosóste te kerél dová dre aménde, so isyn lačhó Léske, Savéske te javél sláva pe saré viéki’. Amín'.