Populiarios Biblijos eilutės iš Galatenge 5

Dalintis

A pir Svénto Dúho (Fáno) manušá dživéna patyvása ke javír manušá, radymása, spokojnymasa, dlugone vyrikiribnasa, lačhé-ilytkimasa, lačhipnása, čačipnása; jone isyn štyl (tiha), obrikirena pes, – kadasavé manušén prityrdela ke pe Zakóno.

Ne me phenáva, dživén pir Svénto Dúho (Fáno), i tumé na javéna te kerén pir nalačhé-ločakiro kamiben.

Kóli ame dživasa pir Svénto Dúho (Fáno), aménge trej i te kerás pir Svénto Dúho (Fáno).

I adalé manušá, savé isyn Xristosóskire, primarde péskiri manušýtko grehítko natura pe trušúl péskire nalačhé kamibnasa i grehoskire tyrdypnasa.

Ĥáda, so keréna manušá pir ločakire kamibena: jone keréna biladžaipén, dživéna džuvliénca bi sevlakiro, lydžána pes syr murdalá (žyvotna); mangénape idolénge, čovahaniakirena, na sykavéna patýv javire manušénge, košenape, zevlynena, zamarena manušén, pričhuvena zor te javén fededýr javire manušéndyr, rospernape xoliása pe grupy, kandéna xohané sykliakiribena, žalinena lačhipén javirénge, p'jena syr matybnarja, gulinena biripiribnaskires i but javír; pal kadasavende me phenáva angíl, syr i rakirdjom angledýr, so, kon adiáke keréla, na doreséla paš dro Devléskiro Kralipén.

Tumé, pšalále, sánas khardé te javén vol'na. Jekh so, sob (kaj) tumarí vol'nyma te na del saštypen te kerén pir ločakire-nalačhé kamibena.

Pal-dová so ločake na trej dová, so Duhoske trej, i Duhoske (Fanoske) trej na dová, so ločake trej: kadalé duj kamibena isyn vérgi jekh jekhéske; paldavá tumé na keréna dová, so tumen tyrdela

I saró Zakóno rikirlape pe jekh priphenybén: “Sykáv patýv péskire pašatuné manušéske, syr kokoró péske.”

Na javása te rikiras vučés nakh, na javása te das zor xoliake jekh pe jekhéste, sob (kaj) te na das jakhalo jekh jekhés.

Tedy, rikirenpe zoralés syr vol'na manušá, pal-dová so Xristóso mekciá pe vólia amen i, sob (kaj) tumé nevéstyr te na ur'jen pishariskiro ĥámo.