Populiarios Biblijos eilutės iš 2 Ximaske 1

Dalintis

Pal-dová so Devél dyjá aménge dúho (fáno) te na daras, a sob (kaj) te zoraljovas, i patýv ke javír manušá, i godý.

Jov, Savó zrakhciá i khardiá amen ke svénto džiibén na pir amaré réndy, a pir Péskiri duma i bahtalypén, savó sys dynó aménge pir Isusóste Xristosóste angíl, syr svéto jaciá

Pir daja pričyna me phenáva túke te ripires i te rikires dre péste Devléskiro taláno, savó túke dyjá Devél, kiéli me čhudjom upré vastá pe túte.

I paldavá na ladža te dophenes pal amaré Raste-Devléste, ni mándyr, so me som dro štaribén pal Léste, ne jav khetané mánca dre mén'ki pal bahtalý zan, pal-dová so Devél dyjá zor pe davá

Pal davá me i menčynavape kakaná adiáke; ne me na ladžava daléstyr, pal-dová so me džinóm dre Konéste me upatiandyjom i me zoralés (tvardes) džinóm, so Jov moginéla te zrakhél dová, so jov mánge dopatiandyja angíl dová Dyvés, kiéli Jov javéla.