Populiarios Biblijos eilutės iš 1 Ximaske 6

Dalintis

Marpe pal lačhó patiaibén i viéčno džiibén, ke savó tut Devél khardiá, i pal savó tu patyvales priĥalyjan angíl buté jakhitkonende (svidietieliende).

Pal-dová so zoraló tyrdypén ke lové-davá isyn pérvo drom, so janéla kažno fuipén, isyn but manušá, savé pir bari ĥalkima ke lové otrisine patiaibnastyr i otdyné pes pe bari bída.

Ne isyn bari l'góta, kóli manušéste isyn dar angíl Devléste i jov isyn drieván rado saréstyr, so isyn léste.

Pal-dová so ame nisó na jandiam dro davá svéto: davá čačó, so ame nisó na moginasa te las léstyr.

Uphen dalé svetóskire barvalenge, sob (kaj) jone te na ĥazdén pes i te na patián dro péskiro barvalypén, ne fedýr te patial dre džidé Devléste, Savó pherdés déla saró, so trej vaš amarí baht

A manušá, savé kaména te rozbarvaljon, poddenape pe propatiakiriben i peréna dre felý, i dre but dylyné i grehítka tyrdypena, savé lydžána len ke bedytko periben i ke xasibén.

sob (kaj) jone te kerén lačhipén, te barvaljon lačhé rendénca, te den vast iléstyr javirénge te dielinenpe péskire barvalypnasa javire manušénca, skedyi péske kučipén; davá isyn lačhó fundámiento i te skedén vaš časo, so javéla vaš dová, sob (kaj) lénde te javél viéčno džiibén.