Populiarios Biblijos eilutės iš ÚKLƆ́ KÚ ĀCOTƐ̄HƆ̄ 9

Dalintis

Amáŋ Óndú ā da ɔ́ kahíníī, “Nyɔ̄, ohígbū ka ó wɛ ɔ̄cɛ nɛ̄ n le fu kóō cɛ̄ um ɛhɔ̄, kóō yá ká aílɔ́wá, aɔ́cɛ́ mɛ́mla ācɛ kú Ísrɛ̄lu kéē lɛ iyē kú um jé.

Ó mágwōnū wāajɛ gblágádá, anɔ́ɔ ó pó ɔkɔ kú ɔ̄cɛ éyi nōo da ɔ́ kahíníī, “Usɔ́lu, Usɔ́lu, ɔdíyá nāa gē bɛ́yíkwu um ā mɛ́ɛ̄?” Anɔ́ɔ ó dɔɔ̄kā kahíníī, “A wɛ ɔ̄nyɛ nɛ̄, Óndú?” Anɔ́ɔ ɔkɔ ā tóohi kahíníī, “N wɛ Ujísɔ̄si nāa gē bɛ́yíkwu á.”

Anɔ́ɔ Ananíyāsi le yɛ, le bēhé ga ipú inu ɛga nɛ̄ Usɔ́lu yɔ̄ ā. Ó kwú abɔ̄ ú ce ɔ́ ɛyí, anɔ́ɔ ó kahíníī, “Usɔ́lu, ɔyínɛ́ um, Óndú ā Ujísɔ̄si nōo wā ɛgiyí uwɔ ɔwɛ ɛga nāa yɛ ŋmá ā, lɛ um tɛ̄hɔ̄ wā, cɛ́ɛ́ ká ā gbɔɔ́ ō mɛ́ɛbɛ kpɔ́, ká ā klla le mu mla Alelékwū Ihɔ.” Anɔ́ɔ ɔkwɔɔkwu ɔ́ɔmā, odée nōo lɛbɛ̄ɛka āpū ā gāājɛ ŋmá eyī kú Usɔ́lu, anɔ́ɔ ó gbɔɔ́ ō mɛ́ɛbɛ kpɔ́ á. Ó cāŋjɛ anɔ́ɔ é lɛ ubatísim yá ɔ̄ á.