Populiarios Biblijos eilutės iš Gàlátì ŋa 6

Dalintis

Ńbɛ̀ɛ́, ore tsítse kó máa ká wa. Ó ɖi, bí àa wà ńnɛ̀ tsítse si làkóò, tsí ara kò kú wa#á, ìwèrè-kã̀ nákó wáa wá, tsí ore tsítse yèé àa gbɛ̃̀ si#ɛ́ nákó wù, tsí àa nákó rí tiwa ńnɛ̀ gé ni.

Báàyí#ɛ́, bí ɔ̀nà-kã̀ tsí fú wa ní àa kó tse ore fúnɛ gé ná, àa kó wà tseé làkóò. Tsí yèé yɔ#ɛ́, àa kó wà tse ore#ɛ́ fú ìnàbí olí-Yèésù ŋa.

Ó wà ní e wà mɔ́wɔ́ gbè fú ara-ŋɛ́ ŋa gbo bí ìkparà-kã̀ wà ńǹtá-ɔ̀nyà-kã̀ si. Bí è wà tse bɛ́ɛ̀, è wà tse si ńǹtá-iŋɛ́ yèé ŋa Kírísítò ɖá si fúnɛ ní ká wà tse#ɛ́ dzálɛ̀ ńnɛ̀ɛ́.

È máa rú ara-ŋɛ́ gba ɔ̀nà-òmírɛ̃̀. À kà mú Ɔ̀ɖáyé tse. Ó ɖi, iŋɛ́ yèé ɔ̀nyà náa gbɛ̃̀#ɛ́, òŋu ní náa wù#ɛ́.

Bí ɔ̀nyà-kã̀ wà gbɛ̃ iŋɛ́ yèé náa ti náwù-kíbí ó yà gbà#á, nákó wáa wù, tsí bí ikú fúu. Ó ɖi, bí ɔ̀nyà-kã̀ wà gbɛ̃ iŋɛ́ yèé náa ti náwù-Mímí-Ɔ̀ɖáyé#ɛ́, nákó wáa wù, tsí bí àyɛ̀-àrìtã́ fúu.

Ìnàbí-mi ŋa, bí ó dzɛ́ ní ɔ̀nyà-kã̀ dzàbi, ɛ̀ŋɛ yèé Mímí-Ɔ̀ɖáyé† wà ńǹtá-ŋɛ́ si, tsí wà gbɛ̃́ ŋɛ́#ɛ́, è náa mɔ́wɔ́ gbè fú ɛnɛ nyɛ̀ŋɛ̀ ńnɔ́ tútù, tsí kó sɛ̃̀ wá nɔ́ɔ̀nà gãgã. Ó ɖi, ǹ wà wí fú ŋɛ́ ní bí ìwɔ-kã̀, ò wà mɔ́wɔ́ gbè fúnɛ bɛ́ɛ̀, ó wà ní o tsɔ́ éwo-ara-ɛ̀ɛ, àtsùgbée ìwɔ gbo o máa bɔ́ dzì náàɖã́wò, tsí o dzàbi-Ɔ̀ɖáyé.

Ó ɖi, bí ɔ̀nyà-kã̀ wà rí ara‐ɛ̀ ní òŋu dzɛ́ iŋɛ́-kã̀ tã́ná kò sì dzɛ́ iŋɛ́-kã̀ kpókpó#ɛ́, ɛnɛ nyɛ̀ŋɛ̀ wà rú ara‐ɛ̀ ni. Ó wà ní kṹnukṹ kó wà kpa ìlò-ara‐ɛ̀ wò. Tsí bí ò kpaá wò bɛ́ɛ̀, tsí ò rí ní ìlò‐ɛ̀ɛ sã̀, ɛ̀ɖɔ̃̀-ɛ̀ɛ kó dzokó si ti nára-ìlò tìwɔ ká-ɛ̀ɛ sɔ̃́ŋú gé. Ó ɖi, kó máa dzɛ́ ní ò wà mú ìlò-ɛ̀ɛ, tsí wà ń ɖé bá ti olòmírɛ̃̀-kã̀. Ǹ wà fɔ̀ bɛ́ɛ̀, iŋɛ́ yèé tse#ɛ́, iŋɛ́ yèé wà wo odzú-kṹnukṹ#ɛ́ wà fú kṹnukṹ si ni.