Populiarios Biblijos eilutės iš Gàlátì ŋa 5

Dalintis

Ó ɖi, bí Mímí-Ɔ̀ɖáyé wà ńǹtá-ɔ̀nyà-kã̀ si, tsí wà gbɛ̃́ɛ̃, náa nyàá ɖíre ńǹgbèngbé‐ɛ̀. Náa tse tsí ɛnɛ nyɛ̀ŋɛ̀ náa wà nɛ́ àmúɖɔ̃̀ fúnɛ, tsí náa wà náyè títɛ́ gbo si, tsí náa wà ńtútùúrɔ̀ gbo si, tsí náa wà nɛ́ àtɛ̀si gbo, tsí náa wà tse ore fúnɛ gbo, tsí náa wà tsɔ̀nyà gbo, tsí ɔ̀nyà ŋa náa nɛ́ àkaralé si ńǹtá‐ɛ̀ gbo, tsí ìlò‐ɛ̀ gbo kà le, tsí náa wà mú ara‐ɛ̀ gbo. Ɛkpa-kã̀ kò wà, tsí kɔ iŋɛ́ yèé ŋa nyí-kã̀ kpókpó ní kò sã̀.

Ǹ bòkó wíìnyɛ̀-kã̀ fú ŋɛ́ ró. Òŋu ní wà dzɛ́ ní: È kɔ ara-ŋɛ́ dzɔ̀ɔ́ fú Mímí-Ɔ̀ɖáyé†, tsí kó wà gbɛ̃́ ŋɛ́. Bí è tse bɛ́ɛ̀, è kàkó wà tse si ńǹtá-awù-kíbí è yà gbà#á ró gìɖì.

Kíbí Mímí-Ɔ̀ɖáyé wà ńǹtá-wa si, tsí tse tsí àa wà náàyɛ̀ si#ɛ́, ó wà ní àa kó dzɛ́, tsí kó wà gbɛ̃́ wa gbo.

Ó ɖi, ɛnɛ yèé ŋa dzɛ́ ti Yèésù Kírísítò#ɛ́, ó wà kíbí à kpa awù-kíbí à yà gbà#á nóòkú si bɛ́ ni. À kò wà dzɛ́, tsí awù-kíbí à yà gbà#á kó wà gbɛ̃́ ŋa si ńbàɖí tsítse ró.

Kíbí ɔ̀nyà yà gbà#á, è màá rere nɔ̀. Náa sɔ́nɛ, tsí à náa wà tse àlòwá, tsí wà lìlò wérewère ŋa gbo, tsí à náa wà tse bɛ́ɛ̀ náàrì nɛ́ anɔ́ nódzú, tsí à náa wà sɛ̃ iŋɛ gbo, tsí wà tsogù gbo, tsí wà nyanɛ kãdzú gbo, tsí wà rã́ã̀rã̀ gbo. Tsí à náa wà dzowú-nɛ gbo, tsí wà bínɔ́ gbo gé, tsí wà ɖugbã̀-nɛ gbo. Tsí à náa kpɛ̃́ si nɛ́gbɛ́ níìkã̀ níìkã̀ gbo, tsí odzú-nɛ náa kí ńǹtá-iŋɛ́-nɛ gbo si, tsí à náa wà mɔtí ŋɔ́ gbo, tsí wà dzɛ̀kũ ńŋɛ́ ɔ̀kã̀lɔ́ɔ̀kã̀ gbo, tsí wà tse iŋɛ́-àrɔ̀kpà-òmírɛ̃̀ ŋa gbo. Ǹ tɔ́ wà kã́rã́ ŋɛ́ ró kíbí ǹ ti fɔ̀ɔ́ fú ŋɛ́ wáa lɔ#ɛ́ ní: Ɛnɛ yèé wà lìlò-ìrɔ́-bɛ́ɛ̀ ŋa#á, ìɖì kàkó wáa wà fú ŋa nóyè-Ɔ̀ɖáyé†.

Ìnàbí-mi ŋa, kíbí Ɔ̀ɖáyé kpè ŋɛ́#ɛ́, ó kpè ŋɛ́, àtsùgbée e rí ayè ni. Ó ɖi, kíbí ó kpè ŋɛ́ ní ɛ̀ŋɛ kó rí ayè#ɛ́, kó máa dzì ńkìlíkìlí fú ŋɛ́, tsí e wà tse si ńǹtá-awù-kíbí è yà gbà#á. Kà kàa bɛ́ɛ̀, ó wà ní e wà nɛ́ àmúɖɔ̃̀ fú ara-ŋɛ́ ŋa, tsí kó tse tsí e wà dzítsɛ́ fúnɛ náàŋírĩ-ara-ŋɛ́ ŋa náàrì nyíwò.

Ó ɖi, kíbí ɔ̀nyà yà gbà#á, awù‐ɛ̀ ŋa kà gbé àdzɔ́ bá awù-Mímí-Ɔ̀ɖáyé. Tsí awù-Mímí-Ɔ̀ɖáyé gbó kà gbé àdzɔ́ bá awù-kíbí ɔ̀nyà yà gbà#á. Ó ɖi, àŋa méèdzì méèdzì#ɛ́, à náa wà dzà títí è kàkó nyáa tse awù tɛ̀ŋɛ ká-ŋɛ́.

Ǹ wà wí bɛ́ɛ̀, iŋɛ yèé tse#ɛ́, ɛkpa-Ɔ̀ɖáyé†#ɛ́ kpó, à kpérí‐ɛ̀ si ńnɔ́-oŋù-afɔ̀ ɔ̀kã̀ntso. Oŋù-afɔ̀#ɛ́ ní wà dzɛ́ ní: “Ó wà ní o nɛ́ àmúɖɔ̃̀ fú enìkéèdzì-ɛ̀ɛ kíbí nà nɛ́ fú ara-ɛ̀ɛ#ɛ́.”

Àa kó máa wà mú ara-wa ɖíre nódzú-ɔ̀nyà ŋa kíbí àa dzɛ́ iŋɛ́-kã̀, tsí àa kó máa wà ɖáfɔ̀ si náàŋírĩ-ara-wa ŋa, tsí iŋɛ́ yèé enìkéèdzì-wa ŋa gbo dzɛ́#ɛ́, kó máa wà kí nódzú fú wa.

Kírísítò gbà wá dzɔ̀ɔ́ náàtsùgbée àa kó rí ayè ìɖéǹɖè ni. Ńbɛ̀ɛ́, è náa wà nɔ́wɔ́ nɔ́wɔ́ si. È máa dzɛ́, tsí e sɛ̃̀ ɖi arú ró, tsí ká mú ɛ̀ŋà si nɛ́sɛ̀ fú ŋɛ́.