संत.मत्ती जान-चिनहार
जान-चिनहार
संत.मत्ती लिखा लअः ईसु ख्रीस्त आला बेस खभाईर नावाँ कनहुन रेनअः होना चाईर पुथी मेसे मियांड हेके, जे ख्रीस्त ईसु आला जिनगी चाईल-चकर रेनअः बखानेआय। होना मेसे जामा मियांड बेस खभाईर कहलाआ, जेकर माने हुयाआ, बेस खभाईर। होना के ईसु आला मराईन तयोम संत मत्ती, संत मरकुस, संत लुकास आउर संत जोहन पखा तरअः लिखा लअः थिना। बिद्दवान काकु पाड़ीआ ची संत.मत्ती लिखा लअः बेस खभाईर असल रे ओका तारिक के लिखा लअः थिना, बकिर अन्दाजा नोःआँ के ख्रीस्त आला जनम रेनअः लगभग साईठ साल तयोम लिखा लअः मनाआकु। ओका ठाँव रे नोःआँ के लिखा तदाकु, नोःआँ होः पता कनोआँ, बकिर ढेर मनाआकु ची नोःआँ फिलिस्तीन रे लिखा लअः थिना, चाहे हुयाव सकाआ ची जिरोसलेम सहर रे।
नोःआँ के लि-लिखाई मत्ती हेके, जे ईसु तरअः चेला रेनअः बुलाहट ना-नाम तरअः पहिल मियांड तसीलदार ताही नेनाय। हुनी के लेवी नुमू रे होः पाड़ी केनाकु। मत्ती बरा प्रेरितकु रे मियांड ताही नेनाय, आउर हुनी जाहुदी पढ़ाअकु लःअय लिखा लःअय। नोःआँ के 60 तरअः जादे बेर मारी पुथी तरअः नमुना एम लअः दोवासते सफा-सफा नेल दड़ीयोआ। हुनी नोःआँ दे-देखाव चहाअ केनाय ची ईसु गी आगमजानी लिनी परमेसर आली निबाड़ लिदी ख्रीस्त ताही नेनाय। मत्ती परमेसर आला राईज रेनअः बारे होः ढेर लिखा लःअय। जाहुदी आसराय केनाकु ची ख्रीस्त मियांड राजनैतिक साम्राज्य रिनी राजा हुयाव कोआय। मत्ती मुरुक चौंचित दोहो केते नोःआँ बिसवास के परमेसर आला आतमिक साम्राज्य रेनअः बखान केते चुनौती एमेआय। नावाँ कनहुन सु-सुरु लःअय संत.मत्ती लिखा लअः बेस खभाईर मियांड उचित पुथी हेके, एता लःअय ची नोःआँ रे मारी कनहुन रेनअः ढेर बगरा संदर्भ एदनाआ। नोःआँ बरिया कनहुन के जोड़ायाय। बिद्दवानकु आला नोःआँ होः मनाअ एदनाआ ची मत्ती हुयाव सकाआ मारी पुथी मुसा आला सुरू पाँच पुथी रेनअः नमुना रअः अनुसराने केनाय। ईसु आला टुंगरी उपदेस (सं.मत्ती 5:7) रेनअः जोखा परमेसर दोवारा मुसा के एम लअः कनहुन तरअः कराव सकाआ (कन 19:3—28:33)।
रुपरेखा
1. मत्ती बेस खभाईर रेनअः सुरू ईसु ख्रीस्त आला जनम तेकर हुनी आला सेवकाई रेनअः बखान तरअः सुरुयाय (1—4)
2. फिन मत्ती ईसु आला सेवकाई आउर हुनी आला ढेर सिकछा रेनअः बारे रे बखानेआय (5—25)
3. मत्ती आला आखरी पाठ ईसु आला सेवकाई रेनअः आखरी रे माने कि हुनी आला मराईन आउर जिवीःड बिरिडोअ रेनअः बारे उदूगेआय (26—28)
© 2023 NLCI CC BY-NC-ND 4.0