Yoswa 2
2
Abaluuri nibarumwa eYeriko
1Naye Yoswa waNuni yaruma abandu babili abaluuri mabiswi okhurula eShitimu, ari Tsie muhenjelesie eshialo, nende Yeriko. Nabo nibatsia, niboola enanzu womukhasi omutamba owa eliiralie niRahabu, nibakonayo. 2Naye omuruchi waYeriko yaboolelwa mbu Lola, abandu abokhubaana baIsiraeli beenjiile hano eshilo shino okhurunilisia eshialo. 3Omuruchi waYeriko naruma abandu ewaRahabu, ari Rusia abandu abeetsile ewuwo, abeenjiile munzuwo; okhuba beetsile okhurunilisia eshialo shiosi. 4Naye omukhasi tsana yabukula abandu abo babili nababisa; nasunga ari Toto, abandu abo beetsile ewanje, ne shimbamanyile ewa babeele nibarula ta; 5ne olwa eshise shiulile eshiokhwikala eshilibwa, nibwilile, abandu tsana barulile; shimanyile ewa abandu abo batsiile tamubalondachilile bwangu; mulabanyoola. 6Ne yali nabayilile khushilama hekulu, nababisile mumakata kemimela chieikitani aka yali nabaakaale khushilama. 7Kho abandu nibabalondachila khunjila yaYorodani okhuula khunyambukho; ne ababalondachila abo nibakharula, eshilibwa shieekalwa.
8Ne olwa bali nibashili okhukona, yaniina ewa bali khushilama, 9nasunjila abandu abo mbu Emanyile shinga OMWAMI olwa yamuheelesia eshialo, khandi shinga oburii olwa bukhukwiliile khulweenywe; khandi shinga abamenyanga mushialo shino olwa basabulukhana butswa imbeli weenywe. 10Okhuba khwahulila shinga OMWAMI olwa yakhamia amatsi keInyanza Inzakhanyu imbeli weenywe olwa mwarula eMisiri; nende aka mwakholela abaruchi abo babili babaAmori abali injelekha weYorodani, mbu Sihoni naOgu, aba mwamalilana pe. 11Neefu nikhuhuliilekhwo, habwenaho emioyo chieefwe chiayengukha, kata itswoni shiyali mumundu yesi ta, khulweenywe; okhuba OMWAMI Nyasaye weenywe niye ouli Nyasaye ikulu mwikulu khandi mushialo hasi. 12Kho emusaaya mundiitsubile imbeli w, mbu shinga olwa emubeeleele tsimbabasi, neenyu mukhubeele tsimbabasi abeinzu yeefwe, nimumbeelesia eshilolelo; 13khandi mbu muhonokosie papa namama nabasiani beefwe nabakhaana beefwe, nende biosi ebia bali ninabio, babe mwoyo; mbu muhonie obulamu bweefwe mukhufwa. 14Abandu abo nibamusunjila mbu Obulamu bweefwe khulwa obweenywe! Nimuba nimurabuula amakhuwa keefwe kano ta, olwa OMWAMI alamala akhuheelesie eshialo, khulakhukholela aketsimbabasi nakobwatoto.
15Mana yabeesilia mwitirisha nomukoye; okhuba inzuye yali khulukoba Iwelitookho; naye yamenya mulukoba bwene. 16Kho yababoolela mbu Mutsie mubikulu, abamulondachilanga baleshe okhumunyoolelesia; mwibisileyo tsindaalo tsitaru, okhuula abamulondachililanga olwa balaba nibacheleele; mana olunyumakhwo mutsie butsia. 17Abandu abo nibamusunjila mbu Shikhulabakhwo neshikha khushiitsuboshio shino eshia okhutsubiye ta. 18Lola, olwa khulaba nikhwinjiile mushialo shino, obohe olutsaha luno oluranzayi mwitirisha lino elia okhwisiliyemwo; nokhung'aasia munzuyo so, nende mawo, nabaana beenywe, nabosi abeinzu yeenywe. 19Mana omundu yesi weinzu yeenywe naba narula elwanyi, khunjila, amabangake kabe khumurwekwe omwene, neefu khubule eshikha; ne ouba nali ninawe munzu, amabangake kabe khumirwe chieefwe, omundu naba namuyilakhwo omukhono. 20Nebutswa noba nobuula amakhuwa keefwe kano, kho shikhulabakhwo neshikha khushiitsuboshio eshia okhutsubiye ta. 21Naye nakalusia mbu Shinga olwa muboolile, nolwa kalaba kario. Nabaseebula, nabo nibeenyokha; mana naboha olutsaha oluranzayi mwitirisha.
22Nabo nibatsia niboola mubikulu, nibamenyayo tsindaalo tsitaru, okhuula ababalondachilanga olwa bali nibacheleele; ababalondachila tsana nibabakhaaba khunjila yosi pe, nibarabanyoola ta. 23Mana abandu abo babili nibakalukha, nibeekha okhurula mubikulu, nibaambukha, nibatsia ewaYoswa waNuni; nibamuboolela kosi akali nikabakwiliile. 24Nibasunjila Yoswa bari Toto, OMWAMI ahaanile eshialo shiosi mumakhono keefwe; abamenyangamwo nabo batechela butswa imbeli weefwe.
Oluluyia Union Version © Bible Society of Kenya 1975
Yoswa 2
2
Abaluuri nibarumwa eYeriko
1Naye Yoswa waNuni yaruma abandu babili abaluuri mabiswi okhurula eShitimu, ari Tsie muhenjelesie eshialo, nende Yeriko. Nabo nibatsia, niboola enanzu womukhasi omutamba owa eliiralie niRahabu, nibakonayo. 2Naye omuruchi waYeriko yaboolelwa mbu Lola, abandu abokhubaana baIsiraeli beenjiile hano eshilo shino okhurunilisia eshialo. 3Omuruchi waYeriko naruma abandu ewaRahabu, ari Rusia abandu abeetsile ewuwo, abeenjiile munzuwo; okhuba beetsile okhurunilisia eshialo shiosi. 4Naye omukhasi tsana yabukula abandu abo babili nababisa; nasunga ari Toto, abandu abo beetsile ewanje, ne shimbamanyile ewa babeele nibarula ta; 5ne olwa eshise shiulile eshiokhwikala eshilibwa, nibwilile, abandu tsana barulile; shimanyile ewa abandu abo batsiile tamubalondachilile bwangu; mulabanyoola. 6Ne yali nabayilile khushilama hekulu, nababisile mumakata kemimela chieikitani aka yali nabaakaale khushilama. 7Kho abandu nibabalondachila khunjila yaYorodani okhuula khunyambukho; ne ababalondachila abo nibakharula, eshilibwa shieekalwa.
8Ne olwa bali nibashili okhukona, yaniina ewa bali khushilama, 9nasunjila abandu abo mbu Emanyile shinga OMWAMI olwa yamuheelesia eshialo, khandi shinga oburii olwa bukhukwiliile khulweenywe; khandi shinga abamenyanga mushialo shino olwa basabulukhana butswa imbeli weenywe. 10Okhuba khwahulila shinga OMWAMI olwa yakhamia amatsi keInyanza Inzakhanyu imbeli weenywe olwa mwarula eMisiri; nende aka mwakholela abaruchi abo babili babaAmori abali injelekha weYorodani, mbu Sihoni naOgu, aba mwamalilana pe. 11Neefu nikhuhuliilekhwo, habwenaho emioyo chieefwe chiayengukha, kata itswoni shiyali mumundu yesi ta, khulweenywe; okhuba OMWAMI Nyasaye weenywe niye ouli Nyasaye ikulu mwikulu khandi mushialo hasi. 12Kho emusaaya mundiitsubile imbeli w, mbu shinga olwa emubeeleele tsimbabasi, neenyu mukhubeele tsimbabasi abeinzu yeefwe, nimumbeelesia eshilolelo; 13khandi mbu muhonokosie papa namama nabasiani beefwe nabakhaana beefwe, nende biosi ebia bali ninabio, babe mwoyo; mbu muhonie obulamu bweefwe mukhufwa. 14Abandu abo nibamusunjila mbu Obulamu bweefwe khulwa obweenywe! Nimuba nimurabuula amakhuwa keefwe kano ta, olwa OMWAMI alamala akhuheelesie eshialo, khulakhukholela aketsimbabasi nakobwatoto.
15Mana yabeesilia mwitirisha nomukoye; okhuba inzuye yali khulukoba Iwelitookho; naye yamenya mulukoba bwene. 16Kho yababoolela mbu Mutsie mubikulu, abamulondachilanga baleshe okhumunyoolelesia; mwibisileyo tsindaalo tsitaru, okhuula abamulondachililanga olwa balaba nibacheleele; mana olunyumakhwo mutsie butsia. 17Abandu abo nibamusunjila mbu Shikhulabakhwo neshikha khushiitsuboshio shino eshia okhutsubiye ta. 18Lola, olwa khulaba nikhwinjiile mushialo shino, obohe olutsaha luno oluranzayi mwitirisha lino elia okhwisiliyemwo; nokhung'aasia munzuyo so, nende mawo, nabaana beenywe, nabosi abeinzu yeenywe. 19Mana omundu yesi weinzu yeenywe naba narula elwanyi, khunjila, amabangake kabe khumurwekwe omwene, neefu khubule eshikha; ne ouba nali ninawe munzu, amabangake kabe khumirwe chieefwe, omundu naba namuyilakhwo omukhono. 20Nebutswa noba nobuula amakhuwa keefwe kano, kho shikhulabakhwo neshikha khushiitsuboshio eshia okhutsubiye ta. 21Naye nakalusia mbu Shinga olwa muboolile, nolwa kalaba kario. Nabaseebula, nabo nibeenyokha; mana naboha olutsaha oluranzayi mwitirisha.
22Nabo nibatsia niboola mubikulu, nibamenyayo tsindaalo tsitaru, okhuula ababalondachilanga olwa bali nibacheleele; ababalondachila tsana nibabakhaaba khunjila yosi pe, nibarabanyoola ta. 23Mana abandu abo babili nibakalukha, nibeekha okhurula mubikulu, nibaambukha, nibatsia ewaYoswa waNuni; nibamuboolela kosi akali nikabakwiliile. 24Nibasunjila Yoswa bari Toto, OMWAMI ahaanile eshialo shiosi mumakhono keefwe; abamenyangamwo nabo batechela butswa imbeli weefwe.
Oluluyia Union Version © Bible Society of Kenya 1975