Yoswa 1
1
Shinga olwa beerecheshela okhuhula Kanaani
1Olunyuma Iwokhufwa khwaMusa omusumba w, OMWAMI yaboolela Yoswa waNuni, omukhalabani waMusa, ari 2Omusumba wanje Musa afwile; kho rula, wambushe Yorodani kuno, iwe noluyia luno lwosi, mwinjile mushialo eshia embaheelesia bo, abaana baIsiraeli. 3Buli habundu hosi aha mulaba nimuseenilekhwo ebilenje, ekhuheelesiye, shinga olwa ndaboolela Musa. 4Eshialo shieenywe shilaba okhurula khushitsiimi nende haLebanoni hano, okhuula khumwalo omukhongo, nikwo omwalo kwaEufurate, eshialo shiosi shiabaHiti, okhuula khunyanza ikhongo ewa eliuba liyeelelanga. 5Shialabaho omundu yesi oulanyala okhusinjila imbeliwo tsindaalo tsiosi tsiobulamubwo ta. Shinga olwa ndabeetsangaho nende Musa, nolwa ndalabeetsangaho ninawe; shindalakhwibala kata okhukhulekha tawe. 6Witinyie, wume ikholo; okhuba olachila aboluyia luno nibalia obulaame bweshialo eshia ndeetsubila abakuuka babwe mbu ndakhabaheelesia. 7Nawe witinyie, wume ikholo muno niwitsulila okhukholanga akamalako kosi shinga olwa kali, aka omusumba wanje Musa yakhulaka; oreebera okhukarulakhwo khumukhono musaatsa kata omukhasi ta, mbu okaasenje ewa otsia hosi hosi. 8Eshitabu shino shiamalako shileshe okhuhwaho okhurula mumunwakwo; habula mbu okakanilenjekhwo eshiteere neshilo, mbu witsulilenje okhukhola kosi akahandiikwamwo shinga olwa kali; okhuba nolwa injilayo yilarabaala, nawe nokaasa. 9Shindi isie oukhulachile? Witinyie, wume ikholo; orafwa omwoyo kata okhuria ta; okhuba OMWAMI Nyasayewo ali ninawe halala, hosi hosi ewa otsia.
10Mana Yoswa yalaka abasinjilili babandu ari 11Bire mukambi hakari mulache abandu mbu Mwikasilie ebiokhulia; okhuba tsindaalo nitsishili okhubira tsitaru, mwitsa okhwambukha Yorodani kuno, mbu mwinjile mubukule eshialo eshia OMWAMI Nyasaye weenywe amuheelesia shibe eshieenywe.
12Mana Yoswa naboolela abaReubeni nabaGadi neinusu yoluyia lwaManase ari 13Yitsulile likhuwa elia Musa omusumba WOMWAMI yamulaka, mbu OMWAMI Nyasave weenywe amuhuluusia, khandi alamuheelesia eshialo shino. 14Abakhasi beenywe nabaana beenywe abatiiti batong'e mushialo eshia Musa yamuheelesia injelekha waYorodani, halala nemiruko chieenywe; nebutswa inywe mwambushe imbeli wabaana beenywe nimwimanuule ebimanulwa, inywe abalulu mwesi beitswoni, mubakhoonye; 15okhuula olwa OMWAMI alaba nabahuluusiye abaana beenywe, shinga inywe, nabo bosi nibabukuule eshialo eshia OMWAMI Nyasaye weenywe abaheelesia, mana mukalushile eshialo eshili obulaame bweenywe, eshia Musa omusumba wOMWAMI yamuheelesia injelekha waYorodani okuhenjile ewa eliuba lifwindilanga, mushilie. 16Nabo nibakalusia Yoswa bari Aka okhulachile kosi khulakhola; khandi ewa okhuruma hosi khulatsia. 17Shinga olwa khwahulilanga Musa mumakhuwa kosi, nolwa khulakhuhulilanga wesi; habula mbu OMWAMI Nyasayewo abeetsenje ninawe, shinga olwa yalinji nende Musa halala. 18Omundu yesi yesi oukhaya lilakolio, narahulilanga amakhuwako aka oboola mukosi aka omulakanga ta, yeerwe; nawe witinyie, wume ikholo.
Oluluyia Union Version © Bible Society of Kenya 1975
Yoswa 1
1
Shinga olwa beerecheshela okhuhula Kanaani
1Olunyuma Iwokhufwa khwaMusa omusumba w, OMWAMI yaboolela Yoswa waNuni, omukhalabani waMusa, ari 2Omusumba wanje Musa afwile; kho rula, wambushe Yorodani kuno, iwe noluyia luno lwosi, mwinjile mushialo eshia embaheelesia bo, abaana baIsiraeli. 3Buli habundu hosi aha mulaba nimuseenilekhwo ebilenje, ekhuheelesiye, shinga olwa ndaboolela Musa. 4Eshialo shieenywe shilaba okhurula khushitsiimi nende haLebanoni hano, okhuula khumwalo omukhongo, nikwo omwalo kwaEufurate, eshialo shiosi shiabaHiti, okhuula khunyanza ikhongo ewa eliuba liyeelelanga. 5Shialabaho omundu yesi oulanyala okhusinjila imbeliwo tsindaalo tsiosi tsiobulamubwo ta. Shinga olwa ndabeetsangaho nende Musa, nolwa ndalabeetsangaho ninawe; shindalakhwibala kata okhukhulekha tawe. 6Witinyie, wume ikholo; okhuba olachila aboluyia luno nibalia obulaame bweshialo eshia ndeetsubila abakuuka babwe mbu ndakhabaheelesia. 7Nawe witinyie, wume ikholo muno niwitsulila okhukholanga akamalako kosi shinga olwa kali, aka omusumba wanje Musa yakhulaka; oreebera okhukarulakhwo khumukhono musaatsa kata omukhasi ta, mbu okaasenje ewa otsia hosi hosi. 8Eshitabu shino shiamalako shileshe okhuhwaho okhurula mumunwakwo; habula mbu okakanilenjekhwo eshiteere neshilo, mbu witsulilenje okhukhola kosi akahandiikwamwo shinga olwa kali; okhuba nolwa injilayo yilarabaala, nawe nokaasa. 9Shindi isie oukhulachile? Witinyie, wume ikholo; orafwa omwoyo kata okhuria ta; okhuba OMWAMI Nyasayewo ali ninawe halala, hosi hosi ewa otsia.
10Mana Yoswa yalaka abasinjilili babandu ari 11Bire mukambi hakari mulache abandu mbu Mwikasilie ebiokhulia; okhuba tsindaalo nitsishili okhubira tsitaru, mwitsa okhwambukha Yorodani kuno, mbu mwinjile mubukule eshialo eshia OMWAMI Nyasaye weenywe amuheelesia shibe eshieenywe.
12Mana Yoswa naboolela abaReubeni nabaGadi neinusu yoluyia lwaManase ari 13Yitsulile likhuwa elia Musa omusumba WOMWAMI yamulaka, mbu OMWAMI Nyasave weenywe amuhuluusia, khandi alamuheelesia eshialo shino. 14Abakhasi beenywe nabaana beenywe abatiiti batong'e mushialo eshia Musa yamuheelesia injelekha waYorodani, halala nemiruko chieenywe; nebutswa inywe mwambushe imbeli wabaana beenywe nimwimanuule ebimanulwa, inywe abalulu mwesi beitswoni, mubakhoonye; 15okhuula olwa OMWAMI alaba nabahuluusiye abaana beenywe, shinga inywe, nabo bosi nibabukuule eshialo eshia OMWAMI Nyasaye weenywe abaheelesia, mana mukalushile eshialo eshili obulaame bweenywe, eshia Musa omusumba wOMWAMI yamuheelesia injelekha waYorodani okuhenjile ewa eliuba lifwindilanga, mushilie. 16Nabo nibakalusia Yoswa bari Aka okhulachile kosi khulakhola; khandi ewa okhuruma hosi khulatsia. 17Shinga olwa khwahulilanga Musa mumakhuwa kosi, nolwa khulakhuhulilanga wesi; habula mbu OMWAMI Nyasayewo abeetsenje ninawe, shinga olwa yalinji nende Musa halala. 18Omundu yesi yesi oukhaya lilakolio, narahulilanga amakhuwako aka oboola mukosi aka omulakanga ta, yeerwe; nawe witinyie, wume ikholo.
Oluluyia Union Version © Bible Society of Kenya 1975