Matu PƆHEGA
PƆHEGA
Matu Faarɛ yelefum wa tɔgeri ti Yezu en de Faara se'em ti Yinɛ biŋe nuurɛ la. Eŋa puan ti Yinɛ nɔbiŋere la ti a biŋe bo' a nɛresɛba en yuum boi yia yia nɔze'elego saŋa la puan la wa'am na tum. Faarɛ yelefum buna wa dagi la Yuuduma la ma'a dinɛ, bamam sɛba ti ba dɔgɛ Yezu ba puan ti a bɔna la ba la ma'a dinɛ, gee timpaberɛ wa za'a dinɛ.
Matu faarɛ yelefum wa tagelɛ la taaba suŋa suŋa. Bu pɔhɛ mɛ la Yezu dɔgum, pa'alɛ a ko'om sua, a magehegɔ, gee me pa'alɛ a tuuma en de muulegɔ yɛla, pa'alegɔ, la tibega tuuma Galilii. Ŋwana pooren, Faarɛ yelefum wa gulehɛ la Yezu en ze'ele Galilii kiŋɛ Yerusalɛm, la yelesɛ'a en iŋɛ a ba'ahegɔ dabeha ayopɔi puan la, yele ana kilehere yɛ'ɛha la a kum la a vo'ore.
Matu Faarɛ gɔŋɔ wa pa'alɛ ti Yezu dela pa'alekãtɛ, tara mi'ilum lɛregera Yinɛ ze'elego la, gee pa'alɛ Yinɛ sɔ'ɔlum la. A Pa'alegɔ wa zo'e zo'e, ba lagehɛ tu mɛ, zuo yele, zuo yele sugum nuurɛ bunuu: (Yia) Zoore zuo pa'alegɔ la, pa'ali seko en pa'alɛ aŋa, tuuma, zusuŋɔ la ba'ahegɔ en de se'em bɔ'ɔra sɛba en de Yinɛ sɔ'ɔlum nɛreba la, (Matu 5 — 7); (Buyi') Kã'anseko en dikɛ bo' zahereba pia la bayi' la doohe ba tuuma la puan (Matu 10); (Butã') Yinɛ sɔ'ɔlum la mageha yɛla (Matu 13); (Bunaahi) zahereba vuurɛ pa'alegɔ (Matu 18); la (Bunuu) Tiŋa wa ba'ahegɔ pa'alegɔ la Yinɛ sɔ'ɔlum kini na (Matu 24 — 25).
Yelesɛ'a n boi gɔŋɔ wa puan
Yezu tuuhum la a dɔgum yɛla boi la 1.1—2.23
Yɔn ko'sɔɔra la tuuma yɛla boi la 3.1-12
Yezu ko'om sua, la a magehegɔ yɛla boi la 3.13—4.11
Yezu en pɔhɛ a tuuma nɛreba nɛŋan Galilii yɛla boi la 4.12—18.35
Yezu en ze'ele Galilii kiŋɛ Yerusalɛm boi la 19.1—20.34
Yezu dabeha ayopɔi sɛ'a en ba'ahɛ za'a, ti a pɔra Yerusalɛm, gee iŋɛ sɛla, la en boi Yerusalɛm puan gee iŋɛ sɛla 21.1—27.66
Daana la vo'ore la a niirɛ boi la 28.1-20
Gurenɛ New Testament © The Bible Society of Ghana, 2020.