Lyfr y Psalmau 87
87
1-2Ei sail ar sanctaidd Sïon fryn
A saif yn gadarn, — byth ni chryn:
Mil henffych itti, Sïon wiw!
Dy byrth, dy anwyl byrth bob un
Na phebyll Jacob lân ei hun
Sy ganwaith hoffach gan ein Duw.
3Gogoned son sy am danat ti,
Dy harddwch glwys a’th freiniol fri,
Caersalem, dinas fawr yr Ion!
4Rahab a Babilon, fy Naf,
Wrth fy nghydnabod cofio wnaf,
A chlyw ’r Philistiaid hwythau ’r son.
Wele, daw ’r Tyriaid yma ’n llu,
A Moriaid gwlad Ethiopia ddu,
Yn anedigion Salem bur:
5Genir hwynt yno i Dduw ’n blant,
Yn ddinasyddion Sïon sant;
Mae ’r uchel Dduw o’i chylch yn fur.
6Pan rifo ’r Ior ei bobl ei Hun,
Ceir enwau ’r rhai’n ar lawr bob un,
Mai plant Caersalem ydynt hwy;
7A chlywir per gantorion nef
Yn pyngcio ’n llawen iawn eu llef,
“Mae ’m holl ffynhonnau ynot Ti.”
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.