Lyfr y Psalmau 114
114
1Pan gym’rodd Israel gynt ei daith
O’r Aipht anghyfiaith estron,
2Israel oedd drigfa ’i sanctaidd ras,
A Judah ’i deyrnas ffyddlon.
3Y môr, pan welodd, ciliai ’n ol,
I’w gwrthol âi ’r Iorddonen;
4Neidiai ’r mynyddoedd fel hyrdd clau,
A’r bryniau fel ŵyn llawen.
5Pa’m, Iorddonen, y troist yn ol?
Pa’m, fôr, i’th wrthol ciliaist?
6Pa’m, fynydd mawr, fel hwrdd, rhoist naid?
Pa’m, fryn, mor danbaid neidiaist?
7Ofna di, ddaear, rhag dy Dduw,
Duw Jacob yw o’r nefoedd;
8Efe dry ’r graig yn ffynnon lân,
A’r gallestr dân yn ddyfroedd.
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.