EFESUS 6
6
Ana-ana lab̄o ama ra ina
1 #
Kol. 3:20
Anad̄oho! Ma b̄atu Al Masih, to'apu d̄i dou matuamu b̄ara edeku ma patu d̄i karawi. 2#Kel. 20:12, Ul. 5:16 ”Lia ra horomapu ama ra inamu” edeku parenta sarambana rad̄i Ruma Hatalla kai sake, 3eded̄u: Loakud̄u nggomid̄oho taho ra ntika ro d̄ende umumu d̄i dunia.”
4 #
Kol. 3:21
Cina ra angi ma ndad̄i ama! Aina kamaikaimu mbani d̄i ade anamu, sampe siad̄oho ndad̄i mbani. Pala kana'epu siad̄oho kai atora-atora ro ngoa ra tei rad̄i Ruma.
Ada lab̄o ruma
5 #
Kol. 3:22-25
Cina ra angi ma ndad̄i ada! B̄atupu parenta rumamu ma d̄i dunia ake. Karawipu ede kai iu horoma ro to'a ro kai kapoda ade b̄une-b̄uneta nggomid̄oho karawimu ru'u ndai Al Masih. 6Aina karawi kandedemu b̄a wunga tonggu b̄a doumpa nggomid̄oho, b̄a d̄i rakakaimu roi b̄a manusiampa. Pala pab̄uapu nggomid̄oho karawimu kai ada Al Masih ma wunga b̄atu kane'e Ruma Hatalla kai sapoda-podana ade. 7Rawi rakarawi b̄a nggomid̄oho kai ada ede, pab̄uapu nggomid̄oho karawimu kai d̄ihi ade, b̄une-b̄uneta Rumara rakarawi wea b̄a nggomid̄oho, ro laina manusia. 8Kawarapu b̄a one sanikina dou, nataho ada, ro dou mahori weki, d̄imatarima cepekai b̄a Ruma d̄i lampa rawi ma taho rakarawina.
9 #
Ul. 10:17, Kol. 3:25, 4:1 Cina ra angi ma ndad̄i ruma! Pab̄uapu nggomid̄oho ruku ra rawimu b̄une ede rau d̄i ada-adamu. Ai walina kadahu-dahumu. Kawarapu b̄a one nggomid̄oho ro ada-adamu ede, sama-sama ntau sab̄ua ruma eded̄u Ruma ma d̄i saroga. Sia wati ntanda kalaina.
D̄aha ra d̄ano Ruma Hatalla ma lengka
10Cumpukaina, pab̄uapu nggomid̄oho ndad̄i tenggo kai tenggo ra wale raraka b̄a nggomid̄oho rad̄i kuasa Ruma, b̄ara nggomid̄oho sab̄uamu lab̄o Sia. 11Kanipu samenana d̄aha ra d̄ano lewakai rambei b̄a Ruma Hatalla d̄i nggomid̄oho, loakud̄u nggomid̄oho wa'umu taha ao cara-cara tipu b̄a Ibilis mamboto aka ma dab̄ae. 12B̄ara ndaita lewa laina ao manusia, malaisi ao tenggo ra wale sara'a seta-seta ma kuasakai jamana ma dab̄ae ake. Ndaita ao tenggo ra wale roh-roh madab̄ae ma kuasakai ese woha ai. 13B̄ara ndedena, ake, kanipu samenana d̄aha ra d̄ano lewakai Ruma Hatalla, loakud̄u d̄i ainaina ma dab̄ae nggomid̄oho mawa'uku ao d̄i ade deikai b̄a musu. Ro loakud̄u sawa'u b̄a nggomid̄oho lewamu sampe cumpukaina, nggomid̄oho mbuipu kante'emu. 14#Yes. 11:5, 59:17 Pab̄uapu nggomid̄oho sadia ncau. Kanipu ngoa ra tei mapoda rad̄i Ruma Hatalla, d̄imandad̄i salepemu, ro taho poda ademu d̄imandad̄i b̄aju b̄esimu. 15#Yes. 52:7 Pab̄uapu rela ademu d̄imangoa ra kahaba Haba Mataho ma wa'a taho ra ntai mandad̄i sapatumu. 16Sanikina wakatu kanipu imbimu d̄i Ruma mandad̄i d̄aha matula ao; kai imbimu ede nggomid̄oho maloa kamade ao sara'a ana fana afi rad̄i Ibilis. 17#Yes. 59:17 Wehapu d̄i salamakaimu kai songko waja, ro nggahi ra eli Ruma Hatalla d̄imandad̄i peda rad̄i Roh Allah. 18Karawipu samenana ede do'a salaho d̄i rahokaimu bantu d̄i Ruma Hatalla. D̄i sanikina wakatu, do'apu b̄une Roh Allah mad̄anda nggomid̄oho. Pab̄uapu nggomid̄oho sadia ncau ro aina koa. Do'a ncaupu ru'u samenana ela Ruma Hatalla. 19Ro do'apu ru'u nahu rau, loakud̄u d̄i wakatu nuntu nahu, Ruma Hatalla nambeiku d̄i nahu nggahi ra eli ma ncihi. Ro loakud̄u nahu kai disa ngoaku rahasia Haba Mataho ede. 20B̄ara Haba Mataho edeku, nahu ndad̄ikaiku sab̄ua dou ranggadu, ro ake wara d̄i ade uma bui. Do'apu loakud̄u nahu disaku nuntu mab̄oha Haba Mataho ede, b̄une santika nahu pab̄uaku nuntu.
Salam cumpukaina
21 #
Kis. 20:4, 2Tim. 4:12 #Kol. 4:7-8 Tikhikus, cina ndaita ro dou makarawi wea ma to'a d̄ei karawi Ruma, d̄imangoa d̄i nggomid̄oho samenana mab̄oha nahu, loakud̄u nggomid̄oho mab̄adeku ka'ada'an nahu ro karawi nahu. 22B̄ara ndedena, nggadukai b̄a nahu sia d̄i nggomid̄oho d̄imangoa ka'ada'ana nami d̄i sara'a nggomid̄oho, loakud̄u neo ademu.
23Raho-raho to'impa Ruma Hatalla Ama ndaita, ro Ruma Isa Al Masih kaloana sara'a ela-Na d̄imasab̄ua ro cua-cua meci ra ca'u ro ngge'empa imbi d̄i Al Masih. 24Raho-raho to'impa Ruma Hatalla mbeina bareka nggomid̄oho sara'a ma meci ra ca'u Ruma ndaita Isa Al Masih kai meci ra ca'u ma daloa made.
Salam do'a nami, Paulus
@LAI 2001