Matthew Kilekithitsa
Kilekithitsa
Matthew kimiji ye Alhou no Jisü Messiah aküxü, akìthí eno xülekuthu vechewo khaghi Israelmi vilo tushoqhive keu kümsüma miphi ipi piye nikeu ke. Ado kushuwa lono kungugha yekipe lakuju shi achekeu hu ayeghi lo ighi ani eno tino Jewmi xüghili pesü akiqheu lo süghivetsü ani ipi piye ke. Matthew no hukuthu shi pitsü akeu ye Jisü ye David nu Israel kükau kümtsü gholo ajekipiu eno Abraham khuu Israel pasü atüghiu keno tipau nu ke ipi. Eno Jisü ye Israelmi kuchou eno Alhou no tushoqhi püakeu Messiah ipi ke.
Messiah ye Israelmi xüghili lo puju-shiju keu lakhi toi pephe piye ani—Jordan Ghoki aqhou iqi keu, timi küghünamoke-a lo ghukuju sholu keu, akhopemi chighikini hekütsü no ashiaye chighikini akithé shikeu, naghuto lo iqho no Ayeza kithé lakhi ikhiphe tsükeu eno tinguno alau kutomo. Matthew no Jisü no kütsükeqo pekütsü pesü atsa kushuwa pikeu amqo pungu shivetsü no Jisü ye Moses akitheu ipi ke. Hipaqo ye atsa kole kititi kütüqü keu lono hitoi amichi shiphelu keu Kughou Jisü no thime hipaqo pitave keno. Ayeza kaku lo kaku pungu akeu toi, Matthew no akhotoshi amqo pungu pitsü ke.
Matthew kaku ashekha lo Jisü no paw timi ghenguno kíshi xakulu kijè akithé süghi keno pitsü ke. Tiye, Israel Ipekulu xüghili lo Hechekulu ghulhu lokivi shi no xaphekulu ighi chekeu toi ke. Jisü no pa küxü pesü ayeghilomi ghenguno tsüve eno tisheno akìthí lono xüchile ithughive ke. Matthew kaku hukuthu lo aje pesü Jisü tsükeu ye Immanuel, akiqi ye “Alhou ningu gholo ani.” Ashekha lo Jisü no kuchou no ino alhokuthu nongu gholo anani ipi tushoqhi no pa papemiqo pesü ayeghiqha lo puwu ke.
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.