SALMO 53
53
Ang Pagkadaotan sa mga Tawo
Ngadto sa pangulong musikero; sumala sa Mahalath.#53 Ulohan MAHALAT: usa ka tuno sa pag-awit. Maskil ni David.
1 #
Rom. 3:10-12. Ang buangbuang nag-ingon diha sa iyang kasingkasing, “Walay Dios.”
Mga daotan sila, nagbuhat ug dulumtanon nga kasal-anan;
walay usa nga nagbuhat ug maayo.
2Ang Dios nagtan-aw gikan sa langit ngadto sa mga anak sa mga tawo,
aron sa pagtan-aw kon aduna bay usa nga maalamon,
nga nangita sa Dios.
3Ang matag usa kanila mibiya; silang tanan nahimong hugaw;
walay bisan usa nga nagbuhat ug maayo,
wala, walay bisan usa.
4Wala bay kahibalo ang mga tigbuhat sa kasal-anan,
nga nagkaon sa akong katawhan sama sa ilang pagkaon ug pan,
ug wala magsangpit sa Dios?
5Anaa sila sa hilabihang kahadlok,
sa kahadlok nga wala pa nila masinati!
Kay ang Dios magkatag sa mga bukog niya nga nakigbatok kanimo;
pakaulawan nimo sila, tungod kay ang Dios nagsalikway man kanila.
6O nga ang kaluwasan sa Israel mogula unta gikan sa Zion!
Sa dihang ipahiuli sa Dios ang maayong kahimtang sa iyang katawhan,
si Jacob maglipay ug ang Israel magmaya.
©Philippine Bible Society, 2011