Ɩya-ɩya 16の有名な聖句

シェア

I bugiti Yahwe, fɔ yàà wura wɔkɛma, I bugiti wɔ ɔya-kamasɛ fɔ ɛ̀ɛ̀ kpa yɩ.

Ɩ sa Yahwe onyun, yema ɛ̀ kɔlɔ, wo gelen gɩ̀ sa gakpaakpa.

Oo, ɩ ka onyun wʋʋ gɛsa ɩ tɛ Yahwe, i kpèlè wo diyere. Ɩ yasɩ wade-dɩrɛ gɛtɛ ɛ mɛ fɔ ɩ tɛ bɩfɩɩ.

Ɩ ka wo diyere-fɩrɩnfɩrɩn fɔ ɩ kɩntɩn, ɩ yɛ ɛbɛ gɛtɛ bee bugiti Yahwe fɔ bàà di ɔsɛ boo-ituru yaanɩ.

Ɩ kʋna ade ma gɩsaa gɛtɛ ɛ mɛ fɔ, Ɩ kʋna wapenterebi ma wɔ dɩpwɛ dii getin.

Ɩ nʋma ɩnʋn ɩ tɛ wɔ, ɩ nʋma gesila gɩɩ-ɩnʋn ɩ tɛ wɔ. Ɩ dɔ̀ wade-dɩrɛ ma gɩsaa yaade.

Yahwe ɛ̀ sɔ, okoro ɛ kʋtʋma gesila-dɩrɛ, wù di gɛtɛ bàà serenti wɔ da bekpen powu.

ɩ ka gingyebi gɛtɛ gɩ kʋtʋma ma wo diyere fɔ i sila wɔ. Ɩ ka gedi gɩɩ gɛtɛ̀ gaanyan ɩ ba wo Dikwo-dɩrɛ fɔ daanɩ, ɩ sʋma Yahwe gɛtɛ wɔ gɩfɩrɩnfɩrɩn gɩɩ ŋalagɩ gakpa fɔ.

Gingyebi-dɩrɛ ma gebu-dɩrɛ i silin wɔ i tuma, Ɔkɛma ma ɔsɛ ɩ yɔn wɔ gɛsarakʋn fɔ gaanɩ.

Oo, gɛtʋnkwaa powu gɩɩ bɛnɩ, ɩ nʋma ɩnʋn i sila Yahwe, Ɩ yasɩ wo getoya gaade fɔ duwi n di duwi.

I tiri wo gingyebi i wùlà bɩfɩɩ-bɩfɩɩ i tiri wade-dɩrɛ ma gɩsaa i wùlà bɛnɩ powu.

Ɩ kara kya mɩɩn bɛnɩ gɛtɛ na sʋrʋ bʋnɔ, gɛ ɩ kara mɛ mɩɩn bɛtabʋrʋlɛ ade-kpen ɩkɩ.

Yema bɩfɩɩ buu bekpen powu be di gɛ anyan-maralɛ-tuntun, mɔ Yahwe na mɛ gatala.

Ɛɛ kʋna wo Dikola fɔ dii koro gakpaakpa, wade gɛtɛ ɛ dɔ̀ ɛ tɛ gewo-tama giidu nkpɩn ton-ton fɔ

Ɩ yɛ anyan powu gɛtɛ ɩ sa gatala fɔ yàà di ɔsɛ, fɔ gɛtʋnkwaa gàà di ɔsɛ! Ɩ dɔ̀ bɩfɩɩ alɛ Yahwe n di egyu-dɩrɛ!

Gesila gì di Yahwe, Isareli wo Wurubwarɛ fɔ woyo! Gì di gɛ woyo ye ǹdò san gakpaakpa! Ɛwʋ gɛ bɛnɩ fɔ powu be yera alan, <<Wʋ̀ ba gɛlɛ! I sila Yahwe!>>

Oo, gɛtʋnkwaa bʋʋ bɩfɩɩ powu, i sila Yahwe, i sila wo gingyebi ma ɔkɛma