Yoswa 1の有名な聖句

シェア

Shindi isie oukhulachile? Witinyie, wume ikholo; orafwa omwoyo kata okhuria ta; okhuba OMWAMI Nyasayewo ali ninawe halala, hosi hosi ewa otsia.

Eshitabu shino shiamalako shileshe okhuhwaho okhurula mumunwakwo; habula mbu okakanilenjekhwo eshiteere neshilo, mbu witsulilenje okhukhola kosi akahandiikwamwo shinga olwa kali; okhuba nolwa injilayo yilarabaala, nawe nokaasa.

Nawe witinyie, wume ikholo muno niwitsulila okhukholanga akamalako kosi shinga olwa kali, aka omusumba wanje Musa yakhulaka; oreebera okhukarulakhwo khumukhono musaatsa kata omukhasi ta, mbu okaasenje ewa otsia hosi hosi.

Shialabaho omundu yesi oulanyala okhusinjila imbeliwo tsindaalo tsiosi tsiobulamubwo ta. Shinga olwa ndabeetsangaho nende Musa, nolwa ndalabeetsangaho ninawe; shindalakhwibala kata okhukhulekha tawe.

Witinyie, wume ikholo; okhuba olachila aboluyia luno nibalia obulaame bweshialo eshia ndeetsubila abakuuka babwe mbu ndakhabaheelesia.

Buli habundu hosi aha mulaba nimuseenilekhwo ebilenje, ekhuheelesiye, shinga olwa ndaboolela Musa.

Omusumba wanje Musa afwile; kho rula, wambushe Yorodani kuno, iwe noluyia luno lwosi, mwinjile mushialo eshia embaheelesia bo, abaana baIsiraeli.

Olunyuma Iwokhufwa khwaMusa omusumba w, OMWAMI yaboolela Yoswa waNuni, omukhalabani waMusa, ari

Eshialo shieenywe shilaba okhurula khushitsiimi nende haLebanoni hano, okhuula khumwalo omukhongo, nikwo omwalo kwaEufurate, eshialo shiosi shiabaHiti, okhuula khunyanza ikhongo ewa eliuba liyeelelanga.

Omundu yesi yesi oukhaya lilakolio, narahulilanga amakhuwako aka oboola mukosi aka omulakanga ta, yeerwe; nawe witinyie, wume ikholo.

Bire mukambi hakari mulache abandu mbu Mwikasilie ebiokhulia; okhuba tsindaalo nitsishili okhubira tsitaru, mwitsa okhwambukha Yorodani kuno, mbu mwinjile mubukule eshialo eshia OMWAMI Nyasaye weenywe amuheelesia shibe eshieenywe.