Okhukalushila 28の有名な聖句

シェア

Ne noba nohulila bulayi amakhuwa kOMWAMI Nyasayewo, niwitsulila okhukhola akamalakoke kosi aka ekhulaka inyanga yino, OMWAMI Nyasayewo alakhwemekha ikulu wamahanga kosi keshialo

ne tsikhabi tsino tsiosi tsilakhwitsila nitsikhunyoola, noba nohulila amakhuwa kOMWAMI Nyasayewo.

OMWAMI alakhukhola obe omurwe, ne omushila ta; olabeetsanga hekulu honyene, ne hasi ta; noba nohulila amalako kOMWAMI Nyasayewo aka ekhulaka inyanga yino okhukeetsulila nokhukakhola

OMWAMI alakhwikulila libiishilolie lilayi lielikulu, nakhuheelesia ifula khushialoshio munduukho yayo, nakhuheelesia ikhabi mumilimo chiosi chiamakhonoko; ne olahosinjia abamahanga amanji, habula iwe omwene shioleehola ta.

OMWAMI alachila abasukubo bosi abakhubuushilakahwo barootselwe imbeliwo; balarulila khunjila ndala okhukhuyinga, ne baleelukha imbeliwo khunjila musaafu.

OMWAMI alalaka mbu ikhabi yibe khwiwe mubiachibio nomukosi aka orakhwo omukhono okhukhola; khandi alakhuheelesia ikhabi mushialo eshia OMWAMI Nyasayewo akhuheelesia.

Olaba oweikhabi nosamula, khandi olaba oweikhabi nochelela.

Olaba oweikhabi mwitaala, khandi olaba oweikhabi mumukunda.

Ebiamo biomubilikwo bilaba neikhabi, nebiamo bielilobalio, nebiamo biemirukochio, mbu amameeto ketsing'ombetsio nebimeeme biebiayobio.

OMWAMI alakhutinyisia obe oluyia olutakatifu khululwe omwene, shinga olwa yakhwitsubila, noba nolinda amalako kOMWAMI Nyasayewo nochenda khunjilatsie.

Eshimweloshio shilaba neikhabi, neinyunguyo eyokhunyooba.

OMWAMI alakhwinjiyia mubukaasu, mubiamo biomubilikwo nomubiamo biemirukochio, nomubiamo bielilobalio, mushialo tsana eshia OMWAMI yeetsubila abakuukabo mbu yakhakhuheelesia.

Mana tsimbia tsiosi etsiomushialo tsilalola shinga olwa okulikhwa khuliira liOMWAMI; ne balakhuria.

noreebera okhurula khwikhuwa liosi khukano aka emulaka inyanga yino, khumukhono musaatsa kata omukhasi mbu okhulonda khubanyasaye bandi nokhubakhalabanila ta.

Nebutswa noba norarechelesia omwoyo kwOMWAMI Nyasayewo, okhwitsulila okhukhola akamalakoke nende aka alachilisia kosi aka ekhulaka inyanga yino, tawe, kho ebilaka munwa bino biosi bilakhwitsila nibikhunyoola.