लुका 3の有名な聖句

シェア

एक दिन् ओइलग भेल सभे मानुकस्‍या बप्‍तिस्‍मा लइसकल्‍के त येसुले पनि बप्‍तिस्‍मा लइक पर्थना कर्ति छले, ओहे जुमा सोर्ग खुजल्‍ले। अनि पबित्‍र आत्‍मा ढुकुरक रुपम आइक येसुक उप्‍रिम बेठ्ले आ सोर्गस एगो अबाज एले, “तुइं हम्‍र दुलार बेटा स्‍या, तोरसङ हम एक्‍दम खुसि स्‍यो।”

ओहेस युहन्‍नाले सभेका कहल्‍के, “हम त तोर्सिका पानिस बप्‍तिस्‍मा देस्‍यो। तर एक जना हम्‍रस सक्‍तिसालि आब्‍ति छो, जक्‍र जुत्‍ताक टुना खुजाल्‍लाहार लायकक हम नाइ स्‍यो। ओइले तोर्सिका पबित्‍र आत्‍मा आ आगिस बप्‍तिस्‍मा देतो।

तोर्स्‍या साँच्‍चेक पापका छोरिक पर्मेसोरभर घुम्‍ल स्‍या त ओहे अन्‍सार अस्‍लि कामसब कर्। तर ‘हमर्स्‍या त अब्‍राहामक सन्‍तान स्‍यो’ ओहेस बच्‍बो कहिक नाइ सोच् किरकि पर्मेसोरले त यि पाखनसिस पनि अब्‍राहामक लागि सन्‍तान बनाब सक्‍तो।

अखन्‍य कुल्‍होर गाछिक जरम परिसक्‍ल छो। ओहेस अस्‍लि फर नाइ फर्लाहार सभे गाछ्‌सब काटिक आगिम फेकाइतो।”

एनामे यसैया अगमबक्‍ताले युहन्‍नाक बारेम धर्मसास्‍तरम निख्‍ल पुरा भेले, “एक जनाले उजाड ठावम कस्‍याइक एनामे कहछो, ‘प्रभु आइलाहार पैरा तयार कर्, आ ओक्‍र पैरासब सोझ बना। अनि सभे खद्‌रासब पुर्, आ सभे डँरा आ पाहारसब सम्‍म बना, तेर्ह्‌व पैरासब सोझ आ अप्‍ठ्‍यारो पैरासब सजिलो बना। तब सभे मानुकस्‍या पर्मेसोरले पठाइल मुक्‍तिका देख्‍तो।’”