Ma-thi-ơ 24の有名な聖句

シェア

Thong kaywa danuh khak paƀlwak, ngak ka tian anit ranam anưd ralô urang mưca lian vakak. Min thei kajap hatai ka tal taluic yơ mưca bihu dong paklah.

Khao Siam ka Dit Biya Thôr Riga mưca bihu rao lang graup dunya piêh ngak kaxan ka abih bôl; kal nan, gruk taluic mưca mưrai.

Khol hư mưca hamit ka kalin thong khao ƀeg ka kalin. Xang ajut, jôi mưbuk mưbar! Kaywa mưca bruk ni xang mưjiơng tabiak, min ka ôh njaup taluic ô.

Kaywa bôl ni mưca brôk tagôk pagan gađi thong bôl pakan, dit biya ni mưradhag di diya dêh; ơk lipa, tatôn tanưh riya mưca mưjiơng tabiak pak ralô libik. Abih kabha ni ciêt nạn padok akok dôm binhôr pađik pajung tian.

Lingik tanưh mưca tapa nao, min panôic Ita đôm mưca ôh tuk halei tapa ô.”

Kaywa hu ralô urang mưca baniai angan Ita mưrai bloh đôm laic: ‘Ita nạn Dê Krist’ thong mưca palwô pagat ralô urang.

Tuk nan, mưnuix urang mưca jao khol hư, ngak ka khol hư gok rijan thong pamưtai khol hư; khol hư mưca gok graup paran mưbai limuk kaywa di angan Ita. Kal nan, ralô urang mưca hanek jalơh, lambil gaup, mưbai limuk di gaup. Ralô ra hôr baniai mưca bhat tabiak, thong palwô pagat ralô urang.

Pô Yê-su thuuk: “Xang tayơt, jôi lôi ka thei palwô pagat khol hư.

Ywa nan ka, khol hư lijang xang thudia, kaywa Anưk Mưnuix mưrai dalam tuk khol hư ôh xanưng tal.

Ywa nan ka, xang pamưdơh, kaywa khol hư ôh thau harei halei Pô drei mưca mưrai.

“Dok harei thong tuk nan ôh thei thau bihu, thong umat ngok thôr riga ngan nạn Anưk lijang yau nan rei, ciêt tha drei Amư thau min.

Kaywa dôm ra baniai angan Dê Krist thong tapôr hôr baniai mưca bhat tabiak ngak ralô nưm crih, thunau ginrơh prong piêh palwô pagat; thong mưyah hu mưda, khol nhu palwô pagat thong dôm urang bihu rwah.

Dalam bangyau Nô-ê yau halei yơ tuk Anưk Mưnuix mưrai lijang yau nan. Dalam dôm harei dahlau di binhôr xwa, mưnuix urang ƀang thong mưnhum, khing likei khing kamei, ka tal harei Nô-ê tamư gilai; khol nhu ôh thau haget tra ka tal tuk ia xwa mai thong thơk nao abih. Tuk Anưk Mưnuix mưrai lijang mưca yau nan.