اِنجیل مَتّی 24の有名な聖句

シェア

هِندی شِرارت وِر بَبی که، وِرکَسون محبت نسبت بِه یَندی سَرد بَبی. امّا هَر کسی تا آخِر تاو بواَرِه، نِجات پیدا بَکَردی.

خِدا پاُتشایی خوشَ خَوَر گِردِ دنیا مردمی را اِعلام بَبی تا گِردِ میلتون را شهادتی بِبو. چَیی پَش دنیا بِه آخِر آرَستِه.

شِمَه جَنگون خَوَری دَرَسَه و جَنگون شایعه شِمَه گوش آرَستِه. ویرا بِبییَه که تَشویش مَبییَه، چوم بَسی اِم اِتِفاقِن دَلَکِن، امّا حَلا دنیا آخِر نییَه.

اِنتَه که ایلَه میلَّتی دییَر میلَّتی نَه و ایلَه مَملکتی دییَر مَملکتی نَه جنگ بَکَردین و جور بَه جوره جِگا اون کا قَحطی بَبی و زلزله بومَی. امّا گِرد اِم چییِن فقط زایمانی داجی شروع بییِه اِستَه که داجون فاصله کمتر و کمتر بَبی.

آسِمون و زمین اَز بِین بَشین، امّا چِمِن گفِن هَرگز اَز بین نِشون.

چوم وِر کَسِن چِمِن نومی نَه بومَین و بَواتین، ”اَز مسیح موعود اِستیمَه،“ و وِر کَسون گمراه بَکَردین.

«اَ زمانی کا، شِمَه دِشمِنی تسلیم بَکَردین تا شِمَه شِكنجه بِکَرِن و بِکِشِن. گِرد میلّتِن چِمِن نومی واسی شِمَه کا بیزار بَبین. اَ روزون کا وِر کَسِن اِشتَن ایمانی کا آگَردِن و یَندی خیانت بَکَردین و یَندی کا بیزار بَبین. وِر دوروعَه پیغمبرِن بومَین، وِر کَسون گمراه بَکَردین.

عیسی جَواو دوشَه: «ویرا بِبییَه کسی شِمَه گمراه مَکَرِه.

بَس شِمَه نی بَسی حاضیر بِبییَه چوم اِنسانی زوعَه، اَ ساعتی بومَی که شِمَه اِنتظار نِدارَه.

بَس آگا بِبییَه، چوم نیمَزنَه شِمَه خِداوند چِه روزی کا بومَی.

«آسِمونی یَه دَده غیراز، هیچکس اَ روز و اَ ساعتی نیمَزنِه؛ حتّی آسِمونی ملائیکه اِن و زوعَه نی اَیی کا خَوَر نِدارِن.

چوم دروعَه مسیح اِن و دروعَه پیغمبرِن بومَین، و اِنتَه یالَ نیشونه اونی بواَردین و معجزه اونی بَکَردین که اَگم بِشان، حتی اَ کسونی که اِنتخاب بَیینَه نی گمراه بِکَرِن.

اِنسانی زوعَه اومِه زمان، نوح پیغمبری زمانی شیوار بَبی. چوم اَ روزون کا، تا پیش از اِم که سیل با، مردم هَرین و هِنجین، ژِن بَبَردین و شو بَکَردین، تا اَ روزی که نوح دَشه کَشتی دیلَه، و اَوِن نیمَزنین که چِه پیش بومَی. تا اِم که سیل اومَه و اَوون گِردی اِشتَن نَه بَردِشه. اِنسانی زوعَه اومِه نی هِنتَه بَبی.