याकुब 4の有名な聖句

シェア

ओदोङ भाअ्सिङ ताइमिहेङ परमेस्वरको खाबाराता ताअ्सु। साइतानको बिरोध पासु, कालाउ इङको नेलाइसो थितेङ खातावा।

परमेस्वरको भेरपाङ लोसु, कालाउ वा नेलाइको भेरपाङ लावा। पापिगेलाइ! ताइको जिबनसो पाप पालि लाअ्पासु। न्हेनोङ मन हिका द्‍याङगेलाइ! नेलाइको हृदय सुद्द पासु।

प्रभुको आगाता ताइमिहेङ मोनोइ बानाइ, कालाउ वा नेलाइहेङ साम्मान प्यावा।

कालाउ वा झन हेन्जाङ आनुग्रह पिखे ओदोङ भाअ्सिङ पबित्तरो धर्मसास्तरता एसा लेखेका हि, “परमेस्वर घमन्डिगेलाइको बिरोध पाखे, कालाउ मोनोइगेलाइहेङ आनुग्रह पाखे।”

ओदोङ भाअ्सिङ जाइ भलाइ पालि गितेङ बुङ मापाखे वा पाप पाखे।

नेलाइ ह्रेसुखेना कालाउ मानिङसुखेना, हाइपालिपानु ताइको लान्सा पुरा पालिको भाअ्सिङ मारेम्का इच्छाहोइ ह्रेसुखेना।

ओइ परमेस्वरको खाङधुरि योग्य मान्थुका द्‍याङगेलाइ, इदोइ सुमिङको काथागेलाइको सानाइति परमेस्वर दोफाको सतुरु दोङ दोअ्का काथा हाइ नेलाइहेङ थाहा मान्थु? ओदोङ भाअ्सिङ जाइ सुमिङ दोफा सानाइति जेङलि भोखे वा दोङ ताइमिहेङ परमेस्वरको सतुरु बानाइखे।

एला हिङसु, जुम्नि हाइ जेनाङ नेलाइ मागिसुखेना। नाङको जिन्दगि हाइ हि रो? नेलाइते कुकुवा तुकागेलाइ भाइका, जाइ एघिरिङको भाअ्सिङ तिङखे, कालाउ राम्खे।