याकुब 2の有名な聖句

シェア

एसापा दोङ नेलाइ येसु ख्रिस्टता खाङधुरि पासुखेना कालाउ कामता देखाल मापा सुखेना पानु, इङको खाङधुरि व्‍यर्थ दोङ हि।

जेसाङ जिउ आत्मासो खेङन्हाखे वा सिका हिखे, ओसाङ खाङधुरि बुङ आसल काम बिना सिका भाइका हिखे।

काङको खान्धुराइ ओनेगेलाइ, जेसापा इदोइ बुङ द्‍याङ का येसु ख्रिस्टता खाङधुरि पाङका दोअ्खे, कालाउ आसल काम चाहि मापाखे पानु, उङकोसो हाइ फाइदा? हाइ वाको खाङधुरिहोइ उङकोहेङ बान्चिपालि द्वावा रो?

नेलाइ खाङधुरि पासुखेना कि परमेस्वर एनोङ दोङ हि, इङको रेम्का हि भुत-आत्मागेलाइ बुङ खाङधुरि पाखे कालाउ थितेङ लुकु-लुकुपा फिरखे।

कालाउ हासु बुङ दोअ्तावा, “नाअ् येसु ख्रिस्टता खाङधुरि पासु, कालाउ का चाहि आसल कामगेलाइ पाङका।” कालाउ का दोअ्खा आसल काम माकोसिङको नाङको खाङधुरि कासेहेङ तिङपा, कालाउ काङको पाका आसल कामसो का ताइको खाङधुरि नासेहेङ तिङपाङका।

हाइपालिपानु जेदोङ द्‍याङगेलाइ आरुको क्रिपा पाका मान्थु वासेहेङ बुङ क्रिपा मापाङ। कालाउ वा क्रिपा पाखे पानु, परमेस्वर ताइको क्रिपा पाहासो वाको न्याय पाङ।

नेलाइ तिङसुखेना कि, वाको कामसो एमि धर्मि द्‍याङको रुपता सुइकार जेङहि, खाङधुरिसो खिनिङ माको।

नाअ् तिङखेना, कि वाको कामगेलाइ दोफा-दोफाङ खाङधुरि बुङ क्रियासिल हिघाहि, कालाउ वाको कामसो बुङ वाको खाङधुरि सिद्द जेङका हिघाहि।