हिब्रु 9の有名な聖句

シェア

एसा पासोङ हेन्जा द्‍याङगेलाइको पाप ल्होपातेङ चुम्पुलिको भाअ्सिङ ख्रिस्ट ताइमिहेङ एखे भोग पिहि, कालाउ वा आरोङ ल्वाङ, इङको बेला ताइमिहेङ पापको भोगको भाअ्सिङ माको, भरु वाको लोका दामा खाङतेङ हिकालाइहेङ बान्चिपालिको भाअ्सिङ ल्वाङ।

या सोचिसु कि सिका भारि चुम्पुका कामगेलाइसो ख्रिस्टको हितिहोइ केलाइको ह्रदयहेङ ते झन हेथे हेन्जा सुद्द बानाइलि दोखे, कालाउकि केलाइ सिन्हुका परमेस्वरको आराधाना पालि द्वाको, हाइपालिपानु आनान्त आत्माको सरबुङ पाहासो ताइमिहेङ केलाइको पापको भाअ्सिङ एमि सिद्द भोगको रुपता परमेस्वरहेङ चाढाइहि।

झाराङ द्‍याङ एखे सिलि गोयाङ, कालाउ सितेङ परमेस्वर गोताङ द्‍याङको न्याय पाङ।

कालाउ मोसाको व्यवस्था दोअ्खे कि माकुलाउ बुङ गोताङ आमेनेगेलाइ हितिहोइ सिरकाइतेङ सुद्द बानाइलि गोइखे, कालाउ हिति माचढाइसिङ हिदोइ बुङ पाप स्यामा जेङलि मादोखे, भरु जेदोङहोइ सिका तिङपाखे।

ओदोङ भाअ्सिङ ख्रिस्ट द्‍याङगेलाइ दोफा नावा कारार धेउका हि, कालाउकि परमेस्वर पाहासो काइन्हाका द्‍याङगेलाइ वाको पाका प्रतिग्यासो आनान्तको भाअ्सिङ आसिस निङलि द्वाको। एसा बुङ जेङलि द्वाङ कि, हाइपालिपानु इम्बालाइ लाङ कारारता हिलाउ पाका पापको दन्डसो स्वतन्तरो पालिको भाअ्सिङ ख्रिस्ट सिहि।