हिब्रु 10の有名な聖句

シェア

हेथेको द्‍याङगेलाइको ते सङगति मान्हिका बानि हिखे, कालाउ केलाइ चाहि ए दोफाङ जोम्लि मालाताइने, भरु एमिसो-भेनेङहेङ झन हाउसाइ पिका काम पाइने, हाइपालिपानु केलाइ गिन्हाखे कि प्रभु धेमाङ घुरितेङ लोदोङखे।

केलाइ ता-ताइमिता एमिसो-भेनेङहेङ प्रेम कालाउ भलाइ पाका कामता एमिसो-भेनेङहेङ हाउसाइ पाइने।

केलाइको ताअ्का आस जेदोङ केलाइ दोफा हि दोअ्तेङ केलाइ दाबि पान्हाखे इङकोहेङ बलियापा चाअ्तेङ ताअ्ताइने, हाइपालिपानु परमेस्वरको प्रतिग्या पाका गोताङ काथा खाङधुरि योग्य दोफाङ पुरा पाङ।

एला नेलाइ धैर्य हिलि गोइस्वाना, कालाउकि नेलाइ लागातार परमेस्वरको इच्छा आन्सार काम पालि दोसु। कालाउ खिनिङ नेलाइ परमेस्वरको प्रतिग्या पाका गोताङ काथा निङस्वाना।

कालाउ वा ख्रिस्टको हिति सिरकाइतेङ केलाइको ह्रदयता हिका दुसिका लाअ्पापिका हि, कालाउ केलाइको जिउ सुद्द चिहोइ झाका हि, कालाउ केलाइ तियार जेङका हिनाहि। ओदोङ भाअ्सिङ सत्ये ह्रदय कालाउ बल्लियाका खाङधुरि दोफाङ परमेस्वरको भेरपा हानाइने।

ओदोङ भाअ्सिङ नेलाइको खाङधुरिहेङ मालाअ्सु, कालाउकि नेलाइ परमेस्वरसो बार्का इनाम निङलि दोसु।

केलाइ इसिका पालि गोइखे, हाइपालिपानु जेसापा ख्रिस्टको बारेता सत्ये सन्‍देस थाहा निङतेङ बुङ केलाइ गितेङ-गितेङ पाप पान्हाहि पानु केलाइको पाप लाअ्पालिको भाअ्सिङ आरु हिदोइ बुङ भोग मान्थु जेदोङ परमेस्वर ग्रहन पाङ। भरु इम्बालाइ थिकाताङ परमेस्वरको न्यायको भाअ्सिङ ह्रुम्तेङ हिलि गोइखे कालाउ इम्बालाइ वाको सतुरु जेङका कारन दाल्दालाइका मेता भस्म जेनावा।