कलस्सि 3の有名な聖句

シェア

एमिसो-भेनेङहेङ ताइमिता सहिलि दोका जेङसु, जेसापा हिदोइ बुङ द्‍याङ हासु बुङ बिरोधता हाइ दोङ काथा दोअ्कानु ता-ताइमिता स्यामा पिसु। जेसाङ प्रभु नेलाइहेङ स्यामा पाका हि एन्साङ नेलाइ बुङ स्यामा पालि गोइस्वाना।

प्रिथिबिको काथाता माको कालाउ स्वर्गको काथागेलाइता मन लागाइ।

नेलाइ जेदोङ पासुखेना पुराङ मनसो पासु, द्‍याङहेङ भाइपा माको कालाउ प्रभुहेङ दोङ पाका भाइपाङ पासु।

ओदोङ भाअ्सिङ परमेस्वर नेलाइहेङ ताइको द्‍याङगेलाइ दोअ्तेङ साल्का हि, कालाउ वा नेलाइहेङ प्रेम पाखे। ओदोङ भाअ्सिङ नेलाइ करुना, दाया, सोझा, मोनोइ कालाउ सहिका सरबुङ धारान पासु।

ख्रिस्टको बचनहोइ नेलाइको बिचारता रेम्फासो कामगेलाइ पालि पिसु, कालाउ पुरा बुद्दिमानि जेङतेङ एमिसो-भेनेङहेङ धिरपासु कालाउ साल्लाहा पिसु, कालाउ परमेस्वरहेङ ताइको ह्रदयसोङ धन्यबाद पितेङ आत्मिक भजन लेसु। नेलाइ जिस्काङ दोअ्लाउ बुङ, जेदोङ पालाउ बुङ गोताङ काथा प्रभु येसुकोङ मिङता पासु कालाउ वाको पाहासोङ परमेस्वर आबाहेङ धन्यबाद चढाइसु।

नेलाइ पालि गोइका गोताङ खान्तेङ मुलि काथा चाहि एमिसो भेनेङहेङ प्रेम पासु। एन्सा पानु नेलाइ पुर्न रुपहोइ ए जुट जेङस्वाना।

जेसाङ परमेस्वर ख्रिस्टहेङ सिकासो सिन्चाल पाहि, कालाउ केलाइ दोअ्लि द्वाङ कि नेलाइहेङ बुङ परमेस्वर सिकासो सिन्चाल पावा। ओदोङ भाअ्सिङ स्वर्गता हिका काथाको इच्छा पासु, जेता ख्रिस्ट परमेस्वरको भेरपा झाराङ खान्तेङ साम्मानित थामेता योम्का हि।

जेदोङ सान्ति ख्रिस्ट पिका हि इङको सान्ति नेलाइको ह्रदयता ह्याको। इदोङ सान्तिता हिलिको भाअ्सिङ परमेस्वर नेलाइहेङ एनोङ दोङ जिउ कोनिङ काइहि, कालाउ याको भाअ्सिङ नेलाइ जेलाउ बुङ धन्यबादि जेङसु।

ओदोङ भाअ्सिङ नेलाइ ताइको पुर्ना पापमय स्वभाबहेङ लाअ्सु जिसिकाङ: इदोइ गोताङ खाल्को कासिबिरि, आसुद्दता, कामुकता, आखेका इच्छा, दिलि, जेदोङ मुर्ति पुजा भाइका दोङ हि।

हाइपालिपानु नेलाइ ताइको पापमय स्वभाबता सिका हिसुना, कालाउ एला नेलाइ परमेस्वरता ख्रिस्ट दोफा ए जेङतेङ हिसुन्हा, कालाउ द्‍याङगेलाइ नेलाइको इदोइ नावा जिबनको बिसोइता माबुझिखे।

कालाउ नेलाइ एला इसिका काथागेलाइ मापासु जेसाङ: चेरचुङ, राङका, मि तुपाका, मन्दा माताका कालाउ ताइको नुइसो मारेम्का सब्दगेलाइ माधुइसु।

नेलाइ एमिसो-भेनेङहेङ माधाताइसु। हाइपालिपानु नेलाइ ताइको पुर्ना पापमय स्वभाव कालाउ गोताङ मारेम्का कामगेलाइ पालि लाअ्का हिसुना। परमेस्वर एला नेलाइहेङ नावा द्‍याङ बानाइका हि, कालाउ वा नेलाइहेङ आझै हेन्जा ताइमिङ कोनिङ बानाइदोङखे। कालाउकि नेलाइ वासेहेङ आझै रेम्फासो बुझिलि दोसु।

के गेलाइ, ता-ताइको बे गेलाइहेङ प्रेम पासु, कालाउ ओबालाइ दोफा मोनोइ ब्याभार पासु।

जामाललाइ, नेलाइको आमाइ आबाको दोअ्का गोताङ काथा किलि गोइखे, हाइपालिपानु एसा पाहे पानु प्रभु लेङचाखे।

बे गेलाइ, ताइको के को आधिनता हिलि गोइखे, हाइपालिपानु नेलाइ प्रभु येसुको खान्धुराइगेलाइ हिसुना।