1 युहान्‍ना 3の有名な聖句

シェア

नेलाइ जाइ काङको आनाउ जामाललाइ भाइकाङ हिसुन्हा, केलाइ एमिसो-भेनेङहेङ काथाता खिनिङ प्रेम पानाखे मादोअ्ताइने, भरु केलाइको प्रेम काम पाहासो खाचोता परिकालाइहेङ साघाइका पाहासो तिनाको।

एसा पासोङ प्रेम हाइ वाला केलाइ थाहा गिनाखे, कि येसु ख्रिस्ट दोङ केलाइको भाअ्सिङ सिपिहि। ओदोङ भाअ्सिङ केलाइ बुङ आरु खान्धुराइगेलाइको भाअ्सिङ सिलि गोइलाउ बुङ तियार हिलि गोइखे।

बिचार पासु कि आबा परमेस्वर केलाइहेङ इसिका प्रेम पाका हि, कि केलाइ बुङ परमेस्वरको सान्तान दोअ्न्हाका हिनाहि, कालाउ जातिङकोङ केलाइ वाको सान्तान दोङ! ओदोङ भाअ्सिङ या सुमिङको द्‍याङगेलाइ केलाइहेङ मानाल्खे कि केलाइ परमेस्वरको सान्तान दोङ, हाइपालिपानु इदोइ सुमिङको द्‍याङगेलाइ परमेस्वरहेङ मानाल्खे।

जाइ लागातार पाप पाखे वा साइतान पाहासो हि। हाइपालिपानु साइतानते लाम्फासोङ पाप पाकाताङ लोका हि। साइतानको कामगेलाइ नासा पालिको भाअ्सिङ परमेस्वरको चान लोहि।

जाइ परमेस्वरको सान्तान हि इम्बालाइ लागातार पाप मापाखे, हाइपालिपानु वाकोता परमेस्वरको स्वभाव हिखे, कालाउ वा लागातार पाप पालि मादोखे, हाइपालिपानु उङको परमेस्वरको सान्तान हि।

हासु बुङ दोफा सुमिङको धन सम्पति हि, कालाउ बुङ आरु खान्धुराइगेलाइहेङ खाचोता हिका तिङलाउ बुङ ओबालाइहेङ मासाघाइस्वाना पानु, परमेस्वरको प्रेम हेसा वाकोता ह्यावा रो?

परमेस्वरको आग्या केम्कालाइ झाराङ वाको दोफा ए जेङतेङ हिखे, कालाउ वा इम्बालाइ दोफा ए जेङतेङ हिखे, वा केलाइहेङ पिका पबित्तरो आत्मासो केलाइ गिनाखे, कि वा केलाइ दोफा ए जेङतेङ हिखे।

परमेस्वरको सान्तान हासु कालाउ साइतानको सान्तान हासु एसापा नाल्खे, जाइ परमेस्वरको आगाता आसल काम पाखे कालाउ जाइ आरु खान्धुराइगेलाइहेङ प्रेम पाखे उङको दोङ परमेस्वरको सान्तान दोङ हि।

नेलाइ लाम्फासोङ हिङका सन्‍देस इदोइ दोङ, कि केलाइ एमिसो-भेनेङहेङ प्रेम पालि गोइखे।

खान्धुराइ ओनेगेलाइ, इदोइ सुमिङको द्‍याङगेलाइ नेलाइहेङ मन्दा मातानु आचाम्मा मामानेसु।