2 Thesaloniaid 2の有名な聖句

シェア

Peidiwch gadael i neb eich twyllo chi. Cyn i’r diwrnod hwnnw ddod bydd y gwrthryfel mawr olaf yn erbyn Duw yn digwydd. Bydd yr un sy’n ymgorfforiad o ddrygioni yn dod i’r golwg, sef yr un sydd wedi’i gondemnio i gael ei ddinistrio gan Dduw.

Ond mae’n rhaid i ni ddiolch i Dduw amdanoch chi bob amser. Ffrindiau annwyl, chi sydd wedi’ch caru gan yr Arglwydd. Dych chi ymhlith y rhai cyntaf ddewisodd Duw i gael eu hachub drwy’r Ysbryd sy’n eich gwneud chi’n lân a thrwy i chi gredu’r gwir.

Dyma elyn mawr Duw, yr un sy’n meddwl ei fod yn well na’r bodau ysbrydol i gyd ac unrhyw ‘dduw’ arall sy’n cael ei addoli. Yn y diwedd bydd yn gosod ei hun yn nheml y Duw byw, ac yn cyhoeddi mai fe ydy Duw.

Dw i’n gweddïo y bydd ein Harglwydd Iesu Grist, a Duw ein Tad (sydd wedi’n caru ni, ac wedi bod mor hael yn rhoi hyder ddaw byth i ben a dyfodol sicr i ni), yn eich cysuro ac yn rhoi nerth i chi wneud a dweud beth sy’n dda.

Mae Duw yn eu barnu nhw drwy anfon rhith twyllodrus fydd yn gwneud iddyn nhw gredu celwydd.

Pan fydd yr un drwg yn dod, bydd yn gwneud gwaith Satan. Bydd ganddo’r nerth i wneud gwyrthiau syfrdanol, a rhyfeddodau ffug eraill. Bydd yn gwneud pob math o bethau drwg ac yn twyllo’r rhai sy’n mynd i ddistryw am eu bod nhw wedi gwrthod credu’r gwir fyddai’n eu hachub nhw.

Wrth gwrs, mae’r dylanwad dirgel sy’n hybu drygioni eisoes ar waith. Ond fydd y dirgelwch ddim ond yn aros nes bydd yr un sy’n ei ddal yn ôl ar hyn o bryd yn cael ei symud o’r neilltu.