matta 24の有名な聖句

シェア

rad‑bahra‑ttigat lh̬ʷšant ard idrusn ġwilli dar tqama lḥnant ġ‑uwl‑nsn. imma wanna ibiddn izga ar isiggʷra ra‑injm.

ra‑ttbrraḥm ġ‑kullu ddunit s‑lh̬bar ifulkin n‑tgldit n‑ignna ard lkmnt tugga‑nnun kraygatt tamazirt. ġakudan a‑ra‑d‑iruḥ isiggʷra.

ra‑tsfldm f‑imaġn ula lh̬barat n‑imaġn. rarat lɛaql a‑ur‑tġuwḍm, ašku iqqan‑d a‑yili ġayan, walaynni ur‑ta‑d‑iruḥ isiggʷra.

ra‑di‑tnkr‑tqbilt s‑tqbilt tnkr‑d‑tgldit s‑tgldit, yili‑uġni ilint zznzalat ġ‑kra n‑tmizar. walaynni kullu ġayan iga ġir azbbar amzwaru n‑tlalit.

rad‑ittin ignwan d‑wakal, walaynni ur‑sar‑ittin iwaliwn‑inu.

ašku ggutn ġwilli ra‑d‑yašk asin‑d ism‑inu, kud yan ar‑ittini izd nttan a‑igan lmasiḥ. ntni rad‑jllun mddn ggutnin.

«ġakudan ra‑kʷn‑dḥayn s‑lmḥkamat ar‑kʷn‑ssrfufunn nġn‑kʷn. ra‑kʷn‑tkrhun ġ‑kullu timizar n‑ddunit f‑ssibt n‑ma‑tgam winu. iggut gigun ma‑ra‑tut‑tbayḍḍrt iḍr ġ‑uwssan‑an. ra‑n‑idḥay kra kra, ar‑itkrhu kra kra. ggutn id‑bu‑tkrkas lli‑ra‑d‑yašk ar‑ttinin is‑gan lanbiya, ar‑jllun kigan d‑mddn.

isawl yasuɛ yini‑asn: «awiyat‑stt ġ‑ih̬f‑nnun a‑kʷn‑ur‑ijlu yan.

ula kunni illa fllawn a‑bdda‑tujadm, ašku ra‑d‑yašk yus n‑bnadm ġ‑kra n‑tasaɛt lli‑ur‑tġalm.

ḍufat ašku ur‑tssinm man ass a‑ra‑d‑yašk siditun.

walaynni ass‑an ula tasaɛt‑an, ur‑tn‑issin yan, la lmalayka n‑ignna ula yus n‑bnadm. ġir baba lli‑illan ġ‑ignna, nttan waḥdut a‑issnn.

ašku rad‑d‑nkrn kra n‑mddn, kud yan ar‑ittini f‑ih̬f‑ns izd lmasiḥ a‑iga nġd kra n‑nnabi, walaynni ar‑sskirkisn. rad‑skarn timitar mqqurnin d‑lmɛjizat iġ‑ufan ad‑jllun ula ġwilli ganin win rbbi.

«zund ġaylli illan ġ‑uwssan n‑nuḥ a‑ra‑yili ġ‑uwssan‑an ġ‑rad‑d‑aškġ nkki lli‑igan yus n‑bnadm. ġ‑uwssan n‑nuḥ, ur‑ta‑d‑ġlin‑waman f‑ddunit, ar‑šttan ar‑ssan ar‑ttahaln ar‑ttahalnt, ar ass lli‑ġ‑ikšm nuḥ s‑wanaw. mddn‑an ur‑tt‑gis‑iwin aylliġ ġlin‑waman tyawhlakn kullutn. ġmkan a‑ra‑ijru ġ‑wass‑an ġ‑rad‑d‑aškġ nkki lli‑igan yus n‑bnadm.