कुलुस्सियों 2の有名な聖句

シェア

जस्यान थे मसी ईसु न्अ परबु का रुप मं मान्या छो, वस्यान ई थे उम्अ बण्यारेवो। थांकी जड़ा उम्अ'ई होव्अ अर थांकी बणावट उंप्अई होव्अ अर थे बस्वास मं गाढ़ा होता रेवो जस्यान थान्अ सखायो गियो छ। परमेसर को धन्यवाद देबाळा बणो।

साउचेत रेवो क थान्अ खुदका वां संसार का बच्यार अर फालतु प्रपंचा सुं धोखो कोन देव्अ ज्यो मनखा सुं मल्अ छ, या मसी की देन कोन्अ पण जगत मं राज करबाळी आत्मा की देन छ।

खुदका पापा अर खुदका बना खतना की काया की बजेसुं थे मर मेल्या छा पण थान्अ परमेसर मसी की लारा जन्दगी देदियो अर आपणा सबळा पापा न्अ खुला मन सुं छमा कर दियो। परमेसर निमा का उं लेख न्अ आपण्अ साम्अ सुं हटा दियो ज्यो आपणा नांऊ सुं अर आपण्अ बिरोध मं छो। उन्अ कीला सुं करूस प ठोकर मटा दियो।

क्युं क परमेसर की सम्पुर्णता मसी की काया मं वास करअ छ। अर उम्अ'ई बण्या रेर थे पुरा बण्या छो। वो हरेक राजा सुं अर अधिकारी सुं ऊंचो छ।

जिसुं खाबा-पीबा की चीजा या फेर तुंवारा मं, नया चांद को तुंवार या फेर आरामहाळा दन न्अ लेर कोई थांकी बराई कोन करअ। ये तो ज्यो बाता आबाळी छ वांकी छाया छ। पण उं छाया की सांची काया तो मसी की छ।