Mi cilima 7の有名な聖句

シェア

O Diedo den yedi Nowe: «Ŋan kua ku biagu nni, fini leni a diegu nni yaaba kuli, kelima n laa ke a tiegi mini U Tienu nintuali, mi naa nifiima kuli siiga.

Mi ñima den baa ki yabi ki tinga po, hali dana kobiga n piimuu.

Li den tie Nowe binkobiluobidili, cilie piiga n daleleeli. Laa daali lige ke u kulu ñinbuna den pudi boncianla, tanpoli bona kuli mo den luodi.

U Tienu den bolini yaala n ye ki tinga nni ki fo, ki cili bi niba ki yaa caa hali ti yandi, li bonbalinkaala leni tanpoli bonyugiditi, bikuli den bodi ki tinga nni cain. Nowe leni yaaba n den ye leni o ku ñinbiagu nni yaa ka, laa den sieni niloba kuli goga.

Ki taaga den mini ki tinga nni dana piinaa leni ñiadi piinaa, ki naa yandi.