Lyfr y Psalmau 51の有名な聖句

シェア

Duw, crea galon lân O’m mewn, ac anian dduwiol; Dod yspryd newydd yn fy mron, Sef yspryd union grasol.

O dod drachefn i’th was Orfoledd gras diddanus; A dal fi i fynu dan fy nghur A’th Yspryd pur, haelionus.

Na fwrw fi o’th ŵydd, Rwy ’n erfyn, Arglwydd nefol; Na ddwg, tra fyddwyf yn y byd, Oddi arnaf d’ Yspryd dwyfol.

Yr aberth hoff gan Dduw, Yw yspryd briw drylliedig; Ti ni ’s dirmygi, Arglwydd Ion, Mo ’r galon gystuddiedig.

Arglwydd, Tad y trugareddau, Moes drugaredd rad i mi; Trugarhâ wrth f’ enaid euog, Duw tosturiol iawn wyt Ti: Arglwydd grasol, Maddeu ’meiau mawr i gyd. Golch fi ’n lân oddi wrth fy mhechod, Golch fi ’n lân, a llwyr, a dwys; Pura fi oddi wrth f’ anwiredd, Tyn fi ’n rhydd o dan ei bwys: O Sancteiddydd, Golcha f’ enaid brwnt yn wyn.

Glanhâ fi ’n wyn â gwaed yr Oen, Ag isop golch fi ’n lân; Ac yna gwynnach fydd fy lliw Na ’r claerwyn eira mân.

Yn dy erbyn Di dy Hunan Y troseddais, Arglwydd Rhi; A phe bernit Ti fi ’n euog, Glân ac uniawn fyddit Ti; Euog ydwyf, Drwg ac euog, Arglwydd Ior.