MATAYO 6の有名な聖句

Navutswa shindu shia khunyala khuheendela mwoyo khuvira vindu viosi nu Vwami vwa Nyasaye nende likhola lielie liu vulunji, khandi mulinyola mu vunyishi vindu vindi viosi.

“Khulwa yako, muvuli khuheendakhu mwoyo khulondokhana khu kakholekha mukamba; shichila mukamba kuliitsa khwiheendela mwoyo kwene. Leshi shia litukhu live nu vutinyu vwalio liene.

“Nako kachilanga nimuvoolela, muvuli khuheendakhu mwoyo khulondokhana khu shiamulia inoho shiamung'wa, inoho shiamwifwala. Vulamu shiuvwavira shiukhulia? Mmbili shiukwavira tsinguvu?

Navutswa lwa musaalanga, mwinjile munzu mwikale miliango, musaale khu Tata wenyu uli muvwivisi; khandi Tata wenyu ulolanga kakholekhanga muvwivisi aliitsa khumurunga.

Khulwa yako, nindi mwenyekhanga musaale, ‘Tata weru uli mwikulu, lira liolio liheelwi luyali. Vwami vwovwo vwitsi, lienya liolio likholwi mu shivala, khuli likholwangwa mwikulu.

Ukhuhe nunundi shiukhulia shieru shia khase.

Ukhusemehe vwoni vweru, khuli khusemehanga yavo vakhukholelanga vindu vitamanu.

Uvuli khukhuhila mu machelitso, navutswa ukhulinde khurula khu Mutamanu Woyo.’

“Niiva muliitsa khusemeha vandu vindu vitamanu via vamukholela, Tata wenyu uli mwikulu aliitsa khumusemeha munyi khandi.

Lolikhu manyonyi: kavulakhu khuli karaakanga inoho khuchesa inoho khuvikha mu viachi; navutswa Tata wenyu uli mwikulu akalindanga vulahi. Munyi shiumwavira manyonyi kenako?

“Muvuli khwivishila miandu khulilova linu, wa tsinguyi nende vuruluvembe vwononyinya, khandi ha vanuuli vanyala khwinjila nivahuuva. Navutswa mwivishili vene miandu mwikulu, wa tsinguyi inoho vuruluvembe vuliitsa khuvula khwononyinya, khandi ha vanuuli valiitsa khuvula khwinjila nivahuuva. Ha miandu chiochio chiliitsa khuva naho ha mwoyo kwokwo kuliitsa khuva khandi.

“Mundu avulakhuho unyala khurumishila varuchi vavili; aliitsa khuhima mulala khandi ayaanze wundi. Aliitsa khuva musuuvilwa khu mulala, nu khuchaya wundi. Shiunyala khurumishila khulala Nyasaye nende tsisenti tawe.

Munyi vandu vi lisuuvila litititi muno! Nyasaye neye ufwalanga vulimu, vulimu vuliho nunundi, khandi mukamba vukora, vusiuvwa mu mulilu. Toto, shiali neye uli nu vunyali vunyishi vu khumufwala?

Navutswa niiva muliitsa khukhonya vandu vamanani, muvuli khuvoolelakhu shia mundu wosi ka mukholanga; navutswa muvakhonye muvwivisi, nikanyalikha Tata wenyu, ulolanga kakholekhanga muvwivisi alimurunga.

“Muve vacheli muvuli khukhola vikholwa vienyu viu vulunji havulavu khu vandu vamulole. Niiva muliitsa khukhola ndio havulavu, shiumuliitsa khunyola murungu kwosi khurula khu Tata uli mwikulu tawe.

“Lwa muhonganga vuchila khulia, muvuli khuheenza numuvelele mu mioyo chienyu khuli vandu vikhola kholitsanga khuva valunji vakholanga. Visamushitsanga khu vandu voosi valole ndi vahonganga vuchila khulia. Muvoolelanga kilikali ndi vanyola khale murungu kwavo. Navutswa lwa muhonganga vuchila khulia, musave mu tsimoni, nu khuchenula liswi lienyu; khali vandu vavuli khumanya ndi muhonganga vuchila khulia, kamanyikhane vutswa khu Tata wenyu wonyene, ukhalolekhanga tawe. Nikamali khwikholekha kario, Tata wenyu ulolanga ka mukholanga muvwivisi, aliitsa khumurunga.