Ису́со 1の有名な聖句

シェア

Ѓа́да, Мэ ракира́ва ту́кэ: яв зорало́ и муршкано́, на дар и на страхадёв; пал-дова́ со ту́са Рай Дэвэ́л, тыро́ Дэвэ́л, исын усенде (везде), карик ту на джасас”.

Мэк тэ на отджал дая́ Законоскири лылвари́ тырэ́ уштэндыр; нэ сыклёв дрэ ла́тэ дывэ́с и рат, соб (кай) дрэ чачипэ́н тэ кэрэ́с кэ ко́нцо (кэ яго́ро) саро́, со дрэ ла́тэ чхиндло́: тэды ту явэ́са тэ прилэс бахт дрэ тырэ́ дрома́ и явэ́са тэ тэ кэрэ́с годьварэс.

Дыкх, яв зорало́ и древа́н муршкано́, и лачхэ́с ракх и кэр саро́ пир Зако́но, саво́ ракирдя́ ту́кэ Мо́йза, о писха́ри Миро; на отджа лэ́стыр ни пэ право (чачо́), ни пэ ле́во (зэ́рво), соб (кай) тэ тэ кэрэ́с годьварэс дрэ сарэ́ тырэ́ рэ́нды (де́лы).

Нико́н на утэрдёла анги́л ту́тэ дрэ сарэ́ тырэ́ джиибна́скирэ дывэса́; и сыр Мэ со́мас Мойзаса, адя́кэ Мэ ява́ва и ту́са; Мэ на отджава ту́тыр и на ячкирава тут.

Яв зорало́ и муршкано́; пал-дова́ со ту адалэ́ манушэ́нгэ пиридэса пхув, сави́ Мэ совлахадём дадэ́нгэ лэнгирэнгэ тэ дав лэ́нгэ.

Кажно штэ́то, пэ саво́ тэрдёна тумарэ́ пирэ́ (сто́пы) ґэра́, Мэ да́ва тумэ́нгэ, сыр Мэ пхэндём Мойза́скэ

“Мо́йза, писха́ри (рабо) Миро, мыя́; и адя́кэ ушты́, пириджа пир дава́ Иорда́но, ту и сарэ́ адалэ́ мануша́, пэ пхув, сави́ Мэ да́ва лэ́нгэ, Израилёскирэ чхавэ́нгэ.

Ке́ли мыя́ о Мо́йза (Моисеё), Ра́скирэ-Дэвлэ́скиро писха́ри, Рай Дэвэ́л пхэндя́ Исусо́скэ (Ёхошуаскэ/Ешуаскэ), Навиноскирэ чхавэ́скэ, Мойза́скирэ дынари́скэ

сарэ́ чхучэ́ пхувья́тыр и Ливаностыр кэ рэка (лэнь) бари, рэка (лэнь) Евфрато, сари́ Хетее́нгири пхув; и кэ баро́ мо́рё (дэрья́в), кэ кхамэскиро загиибэ́н (западо) явэ́на тумарэ́ межакирэ рига́.

Кажно, кон явэ́ла проти тыро́ ракирибэ́н и дро саро́ на явэ́ла тэ шунэ́л тырэ́ лава́, со ту явэ́са лэ́скэ тэ ракирэ́с, явэ́ла отдыно́ мэрибна́скэ. Дыкх, яв зорало́ и муршкано́!

“Проджан пир ста́но, и дэн упхэныбэ́н манушэ́нгэ, и пхэнэ́н: ‘Скэдэ́н пэ́скэ хабэ́н ваш дром; пал-дова́ со, промэки трин дывэса́, тумэ́ джа́на пал дава́ Иорда́но, соб (кай) тэ явэс тэ лэс пхув, сави́ Рай Дэвэ́л, Дэвэ́л дадэ́нгиро тумарэнгиро, дэ́ла тумэ́нгэ дро мэкно́ миштыпэ́н (наследство).’”