Sɛ́aŋ 6の有名な聖句

シェア

Yə́sus yiísə́ə́ ɔnɔ́ na pɔ́lɛ́: «Mɛ áa ndɛɛ́ moom mó konɛ mó móagɛɛ́ʼkɛn pɔɔd ɔlaa. Nyɔ́ əə́giim ná ndɛɛ́, adɛndɛ́ɛ́ kiiʼkini koob njaan kə́mmú. Nyɔ́ amáág oʼto tɛn na mɛ, adɛndɛ́ɛ́ kiiʼkini koob nɛŋɔ́ɛd.

Uŋun wó Ufúlúʼtú wáagɛɛ́ʼkɛn ɔlaa, mɔɔd na mɔɔd nyɔ́lɛ́nyɔ́əsíŋ ɔdɛɔ́gɔ yoom. Tɔgɛ́ɛ́ tóonɛ tó mbábodɛánɛ aa tólɛɛ́ Uŋun, tólɛ́ aa tólɛɛ́ tɛn ɔlaa.

Pudiíʼkúd moom mó konɛ mó mólɛɛ́ lɛ́ móalɛ́aŋ na koany. Kudə́ən agá mó módɛndɛ́ɛ́ kolɛáŋɛ́ɛ́, moom mó móaboyɛ́ʼkɛn ɔlaa ó pɛnɛŋ piim. Moom móom, Mɔɔ́n o mɔɔd alɛ́ɛ́ koboyɛ́ʼkɛn mólɛ lɛ́ nyɔ́lɛ́ aa Táán Sɛ ayɛ́moyáág kɛbɛɛ kɛ́ toɛn tuə́ŋ.»

Táá nkə Paabá alɛɛ́ anyɔ́ŋɛn a kɛ́ɛg ɔnɔ́: Ungim nyɔ́ aádála Mɔɔ́n, áyaág oʼto na nyɔ́lɛ́, yɛ́ɛn na ɔlaa ó pɛnɛŋ piim, mmoyóndɛgɛ a las ɛ wɔɔ́s.»

Yə́sus əyíbuyúlísíni ɔnɔ́: «Nkə kɛ́ Táán alɛɛ́ anyɔ́ŋɛn na pəŋi kɛ́lɛ lɛ́, póag oʼto na nyɔ́ əyíím ádom.»

Piim pá Paabá amɛ́nyɛɛ́ʼkɛn, pálɛ́ɛ́ kiim ná ndɛɛ́. Nyɔ́ əmíim ná ndɛɛ́, ntɛndɛ́ɛ́ komoodo

Simɔ́ɔŋ Píɛ əyímuyúlísíni ɔnɔ́: «Sə́dúk, pəsi o, tɛagɛɛn a nó ánɛ? Wɛ áa olɛɛ́ na tɔgɛ́ɛ́ tó tóagɛɛ́ʼkɛnanan ɔlaa ó pɛnɛŋ piim.

«Mɛ áa ndɛɛ́ moom mó konɛ mó ɔlaa mó múmíim músuu a mɔɛn. Nyɔ́ alɛ́ɛ́ konɛ́ɛ́ mólɛ́ alɛ́ɛ́ kɛɛn na ɔlaa a pɛnɛŋ piim. Moom mó konɛ mó ndɛ́ɛ́ kɛɛ́ʼkɛnɛɛ́ mólɛ nkó yaam. Ndɛ́ɛ́ kɛɛ́ʼkɛn yɛ́lɛ́ agɛɛlɛ lɛ́ pɔɔd pɛ́ɛn na ɔlaa.»

Mɔɔd ɔdɛɔ́gɔ ugiim ná ndɛɛ́, ná Paabá nyɔ́ amɛ́ʼtóm ədimuyə́súidin. Mɛ ndɛ́ɛ́ komoyóndɛgɛ a las ɛ wɔɔ́s.

Kɛ́lɛ lɛ́, moom mó konɛ mó Táán aa móonɛ mólɛɛ́ nyɔ́ alɛɛ́ əgiim ə́suu a mɔɛn, nyɔ́ aágɛɛ́ʼkɛn pɔɔd pá a nsí ɔlaa.»

Mɛ áa ndɛɛ́ moom mó konɛ mó ɔlaa.

Yə́sus yiísiə́d pɛlɛ́ɛd pɛ́ɛb, amɛ́ʼkɛn pisoyidiʼ na Táán, ámáábán na ungim nyɔ́ ayɛ́ɛ kɔ. Ayɛ́ɛ́lɛ tɛn náan yoom ímuʼ na pusú. Ungim ɔyɔ́ɔ́ŋ wɔnɔ́ ná ayɛ́ɛ anyɔ́ŋɛn. Ná ungim ayɛ́ɛ aáʼkonɛ, əə́ʼkuyíid, Yə́sus yɛɛ́dɛánɛ na paaʼkan pə́ə́ŋ lɛ́ págómmanɛ pɛbɛŋ pɛ́ pɛ́ɛ́lɔ́b, yoom ɛ́dɛndɛáŋ.

Páyɛ́ɛ pə́ʼkəə́súid na kɛʼkɔ́m a məní yoom wɔnɔ́ kɛ́lomɛ́ʼtaʼ ɛ́ʼtáan, oó lɛ́ ɛ́ʼtáan na úmmuʼ. Náa páadála Yə́sus əə́giim. Ayɛ́ɛ agodáŋana a məní na ambaan ənnímin. Wɛɛ́y úyíbugúmin, pə́ə́bə́ə́ kuliminə kwag, kwag, kwag. Náa ɔnɔ́ na pɔ́lɛ́: «Podɛʼtámmána, mɛ áa ndɛɛ́nɔ!»