Lucas 9の有名な聖句

シェア

Ug miingon siya sa tanan, “Kon may buot mosunod kanako, kinahanglan nga magdumili siya sa iyang kaugalingon, magpas-an sa iyang krus sa tanang adlaw ug magsunod kanako.

Kay ang buot magluwas sa iyang kinabuhi kawad-an hinuon niini apan ang kawad-an sa iyang kinabuhi tungod kanako magluwas niini.

Si Jesus miingon kaniya, “Kinsa gani kadtong mosugod pagdaro ug unya magsigig lingi sa likod dili angay sa paghari sa Dios.”

Unsa may makuha sa tawo kon maiya ang tibuok kalibotan apan mawala ang iyang kinabuhi o silotan siya? Wala gayod!

Kon ako ug ang akong pagtulon-an ikaulaw sa usa ka tawo, siya usab ikaulaw unya sa Anak sa Tawo sa iyang pagbalik diha sa iyang himaya ug sa himaya sa Amahan ug sa balaang mga anghel.

Si Jesus miingon kaniya, “Ang mga milo may tagoanan ug ang mga langgam may mga salag apan walay kahigdaan ug kapahulayan ang Anak sa Tawo.”

Ug miingon siya kanila, “Ang modawat niining bata sa akong ngalan, modawat kanako ug ang modawat kanako, modawat usab kaniya nga nagpadala kanako. Kay ang labing ubos kaninyong tanan mao ang labing dako.”