2 MGA HARI 6の有名な聖句

シェア

Unya si Eliseo nag-ampo ug miingon, “O GINOO, ako nag-ampo kanimo, bukha ang iyang mga mata aron siya makakita.” Ug gibuka sa GINOO ang mga mata niadtong batan-ong lalaki, ug siya nakakita nga ang bukid napuno sa mga kabayo ug mga karwahi nga kalayo nga naglibot kang Eliseo.

Ug siya mitubag, “Ayaw kahadlok, kay sila nga ania uban kanato labaw pa ka daghan kay niadtong uban kanila.”

Sa pagbangon ug sayo sa sulugoon sa tawo sa Dios ug sa paggula niya, nakita niya ang usa ka kasundalohan uban ang mga kabayo ug mga karwahi nga naglibot sa siyudad. Ug ang iyang sulugoon miingon kaniya, “Akong agalon! Unsa may atong buhaton?”

Ug sa paglugsong sa mga Sirianhon ngadto kaniya, si Eliseo nag-ampo sa GINOO, nga nag-ingon, “Ako naghangyo kanimo, butai kining mga tawhana.” Ug gibutaan niya sila sumala sa pag-ampo ni Eliseo.

Unya ang tawo sa Dios miingon, “Diin man mahulog?” Ug sa diha nga iyang gitudlo kaniya ang dapit, nagputol siya ug usa ka gamayng kahoy ug gilabay kini didto ug gipalutaw ang puthaw.

Apan samtang ang usa kanila nagputol ug kahoy, ang ulo sa wasay nahulog ngadto sa tubig ug siya misinggit, “Hala, akong agalon, hinulaman lamang kadto!”

Ug siya miingon, “Punita kana.” Busa gikab-ot niya kini sa iyang kamot ug gikuha.