1 MGA CRONICAS 16の有名な聖句

シェア

Pangitaa ninyo ang GINOO ug ang iyang kusog, pangitaa kanunay ang iyang nawong!

O pagpasalamat kamo sa GINOO kay siya maayo man; kay ang iyang gugmang walay paglubad nagpadayon hangtod sa kahangtoran!

O pagpasalamat kamo sa GINOO, sangpita ang iyang ngalan, ipahibalo ang iyang mga buhat ngadto sa katawhan!

Paghimaya kamo diha sa iyang balaan nga ngalan; palipaya ang kasingkasing sa mga nangita sa GINOO!

Hinumdomi ang mga katingalahang buhat nga iyang gibuhat, ang mga katingalahan nga iyang gihimo, ang mga paghukom nga iyang gilitok

Pag-awit alang kaniya, pag-awit ug mga pagdayeg alang kaniya, isugilon ang tanan niyang mga katingalahang buhat!

Kay gamhanan ang GINOO ug takos gayod nga dayegon pag-ayo, ug siya kahadlokan labaw sa tanang mga dios.

Ipahinungod ngadto sa GINOO ang himaya nga angay sa iyang ngalan; pagdala ug usa ka halad ug duol sa iyang atubangan! Simbaha ang GINOO diha sa balaang katahom

Dungog ug kahalangdon anaa sa iyang atubangan; kusog ug kalipay anaa sa iyang dapit.

Pag-awit sa GINOO, tibuok nga yuta! Isugilon ang iyang kaluwasan matag adlaw.

Ipadayag ang iyang himaya ngadto sa kanasoran, ang iyang katingalahan nga mga buhat ngadto sa tanang katawhan!

nga nag-ingon, “Ayaw paghilabti ang akong mga dinihogan, ayaw buhati ug daotan ang akong mga propeta!”

Kay ang tanang dios sa katawhan mga diosdios; apan ang GINOO nagbuhat sa kalangitan.

Hinumodomi ninyo ang iyang kasabotan hangtod sa kahangtoran, ang mga pulong nga iyang gisugo sa usa ka libo ka kaliwatan

Pamayaa ang kalangitan, ug pasadyaa ang yuta, ug pasultiha sila ngadto sa kanasoran, “Ang GINOO naghari!”

Dalaygon ang GINOO, ang Dios sa Israel, sukad sa walay kataposan hangtod sa walay kataposan!” Unya ang tanang katawhan miingon, “Amen!” ug nagdayeg sa GINOO.

Ipahinungod ngadto sa GINOO, O mga panimalay sa katawhan, ipahinungod ngadto sa GINOO ang himaya ug kusog!