Noo Mark 14の有名な聖句

シェア

As dooyrt eh, Abba, Ayr, ta dy chooilley nhee ayns dty phooar, gow ersooyl yn cappan shoh voym: ny‐yeih cha nee my aigney’s, agh dty aigney’s dy row jeant.

Bee‐jee er nyn arrey, as gow‐jee padjer, nagh duitt shiu ayns miolagh: ta’n spyrryd eu dy jarroo arryltagh, agh ta’n eill annoon.

Dy firrinagh ta mee gra riu, Cre theihll yn raad bee yn sushtal shoh er ny phreacheil, dy bee shoh t’eeish er n’yannoo, er ny imraa ayns cooinaghtyn jeeish.

As dooyrt eh roo, Ta my annym feer trimshagh eer gys y baase: fuirree‐jee ayns shoh, as freill‐jee arrey.

As myr v’ad gee, ghow Yeesey arran, as vannee eh, as vrish eh eh, as hug eh eh daue, gra, Gow‐jee, ee‐jee, shoh my chorp.

As ghow eh yn cappan, as tra v’eh er chur booise, hug eh eh daue: as diu ad ooilley jeh. As dooyrt eh roo, Shoh my uill’s jeh’n conaant noa, t’er ny gheayrtey son ymmodee.

As dooyrt Yeesey roo, Failee yn credjue euish ooilley noght kyndagh rhym’s: son te scruit, Bwoaill‐ym’s ny bochilley, as bee ny kirree er nyn skeayley.

Trog jee erriu, lhig dooin goll: cur‐my‐ner, ta eshyn er‐gerrey dooin ta dy my vrah.

As dooyrt Yeesey rish, Dy firrinagh ta mee gra rhyt, Yn laa jiu, eer yn oie noght roish my gerr y kellagh daa cheayrt, dy nob uss mish three keayrtyn.