لوقا 9の有名な聖句

シェア

سونرا عئسا اونلارین هامیسینا بله ددی: «کئم ائسته‌یئر دالیمجا گلسئن، گرک اؤزونو ائنکار اتسئن و چارمیخینی گؤتوروب هر گون منه پِیرَو اولسون.

چونکی کئم جانینی خئلاص اتمک ائسته‌سه، اونو الدن وره‌جک. لاکئن کئم جانینی منئم اوچون الدن ورسه، اونو قورتاراجاق.

لاکئن عئسا اونا ددی: «اَلئنی جوت اوستونه قویوب آرخایا باخان آدام تارینین پادشاهلیغینا یاراشماز.»

آداما نه فایدا وار کی، بوتون دونیانی قازانسین، آمّا اؤزونو محو اتسئن و یا اؤزونه ضرر وورسون.

اونا گؤره کی، کئم مندن و منئم سؤزلرئمدن اوتانسا، ائنسان اوغلو دا اؤزونون، آتاسینین، و موقدّس ملکلرئنئن شؤوکتی‌ائله گلن زامان او آدامدان اوتاناجاق.

عئسا اونا ددی: «تولکولرئن یوواسی، گؤی قوشلارینین دا یوواسی وار، لاکئن ائنسان اوغلونون باشینی دایاماغا بئر یری یوخدور.»

و اونلارا ددی: «کئم بو اوشاغی منئم آدیما قبول اتسه، منی قبول اتمئش اولور و کئم منی قبول ادئر، منی گؤندَ‌ره‌نی قبول اتمئش اولور. آرانیزدا لاپ کئچئک کئم اولسا، اِله لاپ بؤیوک اودور.»