Lukas 16
16
Suntu mengenai bandahara je dia jujur
1Yesus kea mansanan ije suntu je beken akan karen murid-Ah, Tege ije uluh je bagawi umba uluh tatau manjadi bandahara'ah akan mangurus karen panatauah, balalu uluh tatau te manuduh iye manduan karen panatauah. 2Bandahara te intehauah awi uluh tatau te tuntang hamauh umba iye, Aku dia rajin narai je ku mahiningah mengenai ikau, awi te ikau harus batanggung jawab umba panatau je inguam mu te. Tuntang ikau impatende ku ndai jadi bandahara ku. 3Balalu bandahara te bingung sambil bapander umba arepah, narai hindai gawingku tuh, aku impatende awi Tuanku bara gawingku. bagawi manyangkul petak aku dia ulih, jadi pangemis aku mahamen. 4Katawangku je tau aku mawi'ah! Amun aku dia bagawi ndai, awi aku tege mina kare kawal je tau mimbit aku akan huma ewen. 5Balalu, bandahara te manantehau uras uluh je puji butang umba tuan'ah. Iye misek Pire karen utangmu umba Tuanku? auh'ah umba uluh je sulaka dumah. 6Tuntang uluh te manjawab, Aku butang seratus liter minyak harum. Balalu, bandahara te mamparahan kuwitansi utangah, tuntang iye kea manambah utang uluh te intu kuwitansi'ah manjadi lime puluh liter. 7Balalu kea iye misek umba uluh je beken, pire karen utangmu umba Tuanku? Uluh jite manjawab: “Aku butang saratus pikul parei.” Tuntang iye mamparahan kuwitansi utangah, tinai kea iye manampa kuwitansi je beken yete manjadi hanya puluh pikul parei. 8Katika tuanah mahining narai je jadi iye nguanah, tuanah manara gawi te je dia bujur, awi iye dengan kalicik'ah marancang je akan naharepah. Hal jituh mansanan bahwa karen uluh je licik sama arep'ah imbanding dengan uluh je bujur.
9Balalu, Yesus mansanan akam mu, ingguna ih duit je ikau tempu intu dunia tuh akan mandohop uluh beken mangat ewen manjadi kawalmu. Balalu amun ikau matei tuntang dia tau hindai mangguna'ah panatau jite, kare kawalmu akan manarima ikau intu huang puduk je katatahiah.
Jujur huang masalah je kurik
10“Awi eweh uluh je manampa huang kare hal je isut mahapan kabujur'ah maka iye akan bujur kea umba kare hal je are. Tapi eweh je dia bujur huang kare hal je isut, maka uluh te dia kea bujur huang kare hal gawi je are. 11Tapi, amun ikau je dia mahapan kabujurmu mangguna karen panatau je tege intu dunia tuh, maka Tuhan dia akan manyuhu ikau akan mangguna panatau je tege intu dunia tuh. 12Kilau te kea amun ikau dia bujur buah umba panatau uluh beken, Tuhan dia akan manenga narai bewei akam mu mangguna kabuat.”
13Tuntang ije biti pambantu te dia tau bagawi akan due biti tuan'ah. Awi amun kilau te je leka kasingi'ah tuntang mamasi ah, atawa kea bujur umba ije biti tapi dia umba je beken kea. Awi jite nah ikau dia tau bagawi akan Allah tuntang manggau duit intu katika je sama. 14Narai je insanan awi Yesus te uras uluh Farisi mahiningah, tuntang ewen mambaka auh Yesus te. 15Balalu kea Yesus bapander umba ewen: “Ketun tuh mampahalap ampin arep ketun intu taharep karen uluh, tapi Allah jadi mangatawan narai je intu huang atei ketun te papa. Awi narai je bahalap inanture awi uluh dia Allah te marajin'ah.
16Awi karen Hukum Musa tuntang kawan nabi te jadi tege bara bihin sampai akan wayah Yohanes Pampandui dumah tuntang berkhotbah. Tapi metuh tuh Aku mansanan kabar bahalap mengenai Karajaan Allah tuntang akan uluh are je mamaksa arep'ah tau tame huang Karajaan Allah te. 17Tapi satiap auh je inulis huang Hukum Musa dia akan baubah. Awi keleh langit tuntang petak je nihau bara ije tulisan je tege intu Hukum Taurat te ingubah.”
18Misalah, amun bana te hapisah pambelum'ah umba sawa'ah awi bana ta kawin hindai umba bawi je beken, maka bana te jadi manguan bandung'ah. tuntang satiap uluh je kawin umba sawan je jadi bapisah maka uluh jite kea manguan bandung'ah.
Yesus mangesah ije suntu mengenai uluh tatau tuntang Lazarus je susah
19Balalu Yesus hamauh: “Zaman bihin tege ije biti uluh tatau je mahapan baju je puna hai rega'ah hayak bahalap tuntang manampa pesta satiap andau.” 20Tuntang tege kea ije uluh susah je ara Lazarus uluh je babuhit buhei uras biti'ah. je biasa'ah pire-pire uluh mimbit tuntang maandak'ah intu baun tunggang huma uluh je tatau te. 21Tuntang kea amun iye bala'u ndai tisan panginan intu hunjun meja uluh tatau te akan pangina'ah. Tuntang kakaren buhit'ah sampai hanana dumah kawan asu manjelapah. 22Limbas te matei ndai Lazarus, balalu kawan utusan Tuhan dumah mimbitah tuntang malekak'ah intu balikat Abraham. Tuntang uluh tatau jite kea matei balalu hantun'ah ingubur. 23Balalu iye tulak intu uka karen uluh je matei je melai neraka. Katika jite iye pehe tutu intu kanih, balalu iye mananture akan hunjun tuntang manampayah Abraham bara kejau tuntang Lazarus munduk intu balikat iye. 24Balalu uluh tatau te nangkariak nyaring tutu: Oi Bapa Abraham, pasi aku tuh! Nyuhu akangku Lazarus te manculup tapakan tunjuk'ah intu danum tuntang mamantis'ah intu jelangku mangat sadingen, awi aku tuh puna balasut intu jalak apui tuh! 25Tapi Abraham bapander umba uluh tatau te: Oi nak, ingatih metuh ikau belum te ikau mandinu karen taluh je ikau handak, tapi Lazarus tuh dia puji mandinu narai-narai. Jadi, wayah tuh iye belum mandinu kamangat'ah, tuntang ikau mandinu kapehen'ah. 26Tuntang kea itah tuh jadi tege je mahalang'ah je dia tau inangkalau, mangat ewen bara hetuh mangguang ikau atawa kea ewen je bara kanih maguang ikei dia tau nangkalauah. 27Balalu auh uluh tatau te manjawab'ah: Aku laku dengam mu nyuhu Lazarus te mangguang huma bapa ku. 28Mangat mamparendeng akan lime biti paharingku je melai intu hete. Akan manyuhu ewen batobat bara kare kasala ewen. Maka amun ewen matei, ewen dia umba tame huang uka je pehe tuh. 29Tapi Abraham manjawab: Awi tege kea ewen mahining karen ajaran je awi uras Hukum Musa tuntang kawan nabi. awi te keleh ewen manumun'ah. 30Uluh tatau te manjawab'ah: Oi Bapa Abraham, jite dia cukup bagi ewen akan batobat. Amun dia ije biti uluh je matei te belum haluli mangguang ewen, maka ewen tau percaya. 31Tinai kea Abraham hamauh umba uluh tatau te, amun ewen dia manumun je auh huang ajaran hukum Musa tuntang kawan nabi te, maka ewen dia handak batobat aluh uluh je jadi belum bara helat uluh matei akan mampingat ewen.
Attualmente Selezionati:
Lukas 16: AMGV
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Manuhing Bible by Beyond Translation is licensed under Creative Commons Attribution-ShareAlike 4.0 License.
