2CO 9
9
स्वता इच्छाता इच्चेदेंक उत्तेजन
1तरी पण यहूदा प्रांतलोन परमेश्वर मंदीद सेवा शेशे बद्दल निन मिक रायाला दिनदी गरज लेद. 2येनटीक की मदत शेशे बद्दलदी मिद उत्सुकता नाक यरका उंडाद इंगा निन मासेदोनिया प्रांतलोन विश्वासी मंदीक दिन बद्दल अभिमानता शपतान की, यंकाड याडादकेल अखया प्रांतलोन मीर विश्वासी मंदी इच्चेदेंक आयतीर इंगा मिद उत्साह सुशी बाकीचे विश्वासी मंदीक पण प्रेरणा शिक्कीनाद.
3तरी पण इ माटाला मी बद्दलदी माद अभिमान वाया फोवाराद आंका निन तीत जताक इ इद्दार तम्मुळ्ळान आंपतुनान, मीर दान जताक तैयारीला उंडना. 4लेकाते, जर यवाडाना मासेदोनिया प्रांतकेल ना जताक वच्या जताक इंगा मीर मंदी तैयार लेनोर कमस्तीर, तर माद - मिम इल्ला आनाम की मिद शेंगेम फजिती आय्यी. 5दिनिचांग नाक इदी आवश्यक वाटास्ताद की, इर मी तीकुड पहिला फोवाला आंका इ तम्मुळ्ळाक विनंती शेय्याला इंगा मीर याद भेट इच्चेद वचन इच्चीन्टीर, दान पहिलाने तैयार फेट्टाला; पण नाक इल्ला वाटास्ताद की इदी वगाट मोकळा मनता इच्चीनेद भेट उंडाला, विचार शेशी इच्चीनेद लेवाराद.
परमेश्वर उदार मनता इच्चेतोर जताक प्रेम शेस्ताड
6इदी लक्षला फेटना की या मनशी कडमा पेरास्ताड, वाड कडमा सोंगाशी इंगा यवाड जास्त पेराशी, वाड शेंगेम जास्त सोंगाशी.#9:6 आंटे यवाड मोकळा मनता इस्ताड, वानकी परमेश्वर तीकेल शेंगेम आशिर्वादलु शिकताय 7प्रत्येक मनशी स्वता मनला येम ठराय मतीनाड दान लेकाने वाड इयाला; दुखी मनता लेकाते इयाने बेक आंका इयाराद येनटीक की 'आनंदता इच्चेतोर मिंदा परमेश्वर' प्रेम शेस्ताड.#9:7 आंटे दान आनंदता शेयाला, मन मतेशी लेकाते मजबुरीता लेद 8मी देगार आन्नी माटलाला नेहमी, आंता पुरवठा उंडाला इंगा प्रत्येक शिंगार फनीला मीर संपन्न कावाला आंका परमेश्वर मिक आन्नी प्रकारदी कृपा इच्चेदेंक समर्थ उंडाड.
9इल्ला पवित्र शास्त्रला राशीनेद उंडाद;
“वाड गरीबोरकी उदार मनता इस्ताड,
वानदी दया सार्वकालिक उंडाद.”#स्तोत्रसंहिता 112:9.
10इप्पुड यवाड पेराशेदेंक बी इंगा तिनेदेंक रोट्या इस्ताड वाड मी इचांग बी इच्ची इंगा दानदी वाढ शेशी इंगा मी नितीमत्वद फळ वाढायमती. 11मीर प्रत्येक माटाला संपन्न आय्यार दिनिचांग की मीर प्रत्येक वेळला उदार बनायाला इंगा मी उदारता इचांग मंदी परमेश्वरकी धन्यवाद इच्यार.
12येनटीक की इदी सेवा शेस्ते फक्त परमेश्वर मंदीद गरज भागास्ताद इंते लेद पण मंदी तीकेल परमेश्वरकी पण शेंगेम धन्यवाद शिकताद. 13इ मी सेवा मिंदकेल इदी सिद्ध आयताद की, मीर ख्रिस्तन शुभवर्तमानदी स्वीकार शेशी दानदी आज्ञापालन शेस्तार, इंगा वारदी इंगा आंदारदी मदत शेशेदेंक उदारता सुपीस्तार आंका वार परमेश्वरदी गौरव शेस्तार; 14इंगा वार पण मी इचांग प्रार्थना शेशेताप्पुड मी मिंदा परमेश्वर याद शेंगेम कृपा शेशीनाड दानिचांग मिद भेट कावाला इल्ला इच्छा वारदी इच्छा उंडाद.
15परमेश्वरकी वान दान इचांग याद अवर्णनीय उंडाद, स्तुती कावाला!
Attualmente Selezionati:
2CO 9: WNT
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi