2CO 10
10
पोल वान प्रेषितत्वद रक्षा शेस्ताड — 10:1—13:10
आत्मिक युद्ध इंगा दैवी शक्ती
1निन वाडे पौल उंडान यवान बद्दल काही मंदी आंटार की, यप्पुड निन मी मुंदार उंटान मी जताक नम्रपणे वागास्तान इंगा यप्पुड धुराम उंटान मी जताक कडकपणे वागास्ताम, पण निन मिक ख्रिस्तन नम्रता इंगा सौम्यता इचांग समजाय मततान. 2निन इल्ला विनंती शेस्तान की, मी मुंदार नाक यरवान्दे कडकपणे वागाशेद फनी फडाराद; यल्ला निन यंता तरी मंदी जताक यवार मोमलान सांसारिक जीवन लेका नडशेतोर लेका समजास्तार, कडकपणे वागाशेद विचार शेस्तान. 3येनटीक की, जरी मिम फयला निलस्ताम, तरी पण फय लेका लढाई शेयाम. 4येनटीक की माय लढाई शेशेय शस्त्रल#10:4 लढाई शेशेय शस्त्रल आत्मिक शस्त्रल, प्रार्थना इंगा सत्य, याद खोटा शिक्षण विरुद्ध फनीक फडताद शारीरिक लेव, तर परमेश्वरी शक्तिशाली शस्त्रल उंडाय यटलाद उपयोग मिम तटबंदीलाद नाश शेशेदेंक शेस्ताम, मिम खोटा तर्कवितर्कलाद नाश शेस्ताम. 5मिम परमेश्वर ज्ञान विरुद्ध याय विचारलु इंगा फेद्दा माटलु लेस्ताय आ प्रत्येक माटाद नाश शेस्ताम इंगा मिम प्रत्येक विचारनी ख्रिस्तन बद्दल आज्ञापालन शेशेदेंक बंदी बनाय मतताम. 6इंगा यल्ला मीर आज्ञापालनला पुर्ण आय्यार, आप्पुड मीर प्रत्येक आज्ञा तेम्पीने फनीक दंड इच्चेदेंक तैयार उंड्यार.
स्वता मिंदा लेद तर परमेश्वर मिंदा घमंड शेयना
7मीर फक्त येम कंडला मुंदार उंडाद, दान बैटुड रुपनी सुस्तार; मनाम ख्रिस्तन तीकेल उंडाम इल्ला जर यवारकी आना स्वता बद्दल विश्वास उंटे तर वार मा बद्दल स्वता विचार शेयाला की, यल्ला मनाम ख्रिस्त तीकेल उंडाम आल्ले वार पण ख्रिस्त तीकेल उंडार. 8येनटीक की, प्रभुड याद अधिकार माक इच्चीनाड, वाड मी आत्मिक वाढ इचांग इच्चीनाड, मिद नाश कावाला आंका इयालेद, दानदी निन जास्त अभिमान शेस्ते नाक शिग्गु वाटायाद; 9निन दिनिचांग आंटुनान की यवारुच इल्ला आनाराद की निन ना पत्रलाता मिमलान यरपीस्तुनान. 10येनटीक की मी दिंटल्योन्टोर काही मंदी आंटार की, “वानी पत्रल गंभीर इंगा बलवान उंटाय, पण वाड फयता कमजोर उंडाड इंगा वानी माटलु इने लायकीक लेकुंटाय,” 11इल्लोन मंदी इदी समजाशी तिस्कुनाला की, यल्ला मिम धुराम उंडीनाप्पुड मा पत्रलोन माटलाला उंटाम, आले मिम देगार उंडीनाप्पुड फनीला उंटाम.
12मिम आ मंदी जताक माद बरोबरी शेशेद हिम्मत शेयाक वच्चीनाम यवार स्वताद शेंगेम प्रशंसा शेस्तार, पण यप्पुड वार स्वतान इंगोगोर जताक कोलस्तार इंगा स्वताद बरोबरी शेस्तार तर वार इदी सुपीस्तार की वारकी यरका लेद की वार यंता मुर्ख उंडार.
13मिम मा मर्यादा बेटीक अभिमान शेयाम; तर परमेश्वर माक इच्चीने मर्यादाला उंटाम, आदी मर्यादा मी नंताक वच्ची पोहचाशीनाद. 14येनटीक की यल्ला मिम मर्यादा बैटीक फोक वच्चीनाम, समजायना की मिम मी देगार पोहचायाने लेद, आल्ले मिम मर्यादा बैटीक फोम येनटीक की ख्रिस्तन शुभवर्तमानदी प्रचार शेस्केन मी नंताक वच्चीन्टीम. 15मिम मर्यादा इडशी इंगोगोर फनीला अभिमान शेयाम; पण माक आशा उंडाद की, यल्ला मिद विश्वास वाढाशी आल्ला, मा फनी मर्यादाद प्रमाण इंगा पसरास्का फोई. 16आंटे, इंगोगोर फनी जागाला पहिला शेशीने फनुलाद अभिमान शेयांदे, मिम मी आतकुड प्रांतला शुभवर्तमान शप्पाला.
17पवित्र शास्त्रला राशीनेद उंडाद,
“पण यवार पण अभिमान शेस्तार,
वार प्रभुन मिंदा अभिमान शेयाला#10:17 प्रभुन मिंदा अभिमान शेयाला पौल नेरपुताड की आन्नी माटलु परमेश्वर गौरव इचांग कावाला स्वता प्रशंसा इचांग लेद .”#१करिंथ 1:31; यिर्मया 9:24.
18येनटीक की स्वताद प्रशंसा शेशेतोनदी स्वीकार काद पण प्रभुड यवानदी प्रशंसा शेस्ताड वानदे स्वीकार आयताद.
Attualmente Selezionati:
2CO 10: WNT
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi