2CO 4
4
स्वताद लेद तर ख्रिस्तद प्रचार
1येनटीक की, परमेश्वर वान दयाता मनाक इदी सेवा इच्चीनाड दिनिचांग मनाम निराश काम. 2मिम तर शिग्गुय फनुल इडस्काडनाम. मिम कपट शेयाम इंगा परमेश्वर वचनला मिसळ पण शेयाम, तर सत्यन सरळ रूपता सुपीच्ची मंदी विवेकला परमेश्वर मुंदार स्वतान प्रशंसा इचांग योग्य ठराय मतताम. 3पण जर मिम या सुवार्ताद प्रचार शेस्तुनाम जर आदी मुशीनेद उंडाद तर यवारदी नाश आयतुनाद वार इचांग आदी मुशी फेटनेद उंडाद. 4इ युगलोन दुष्ट द्यावार #4:4 इ युगलोन दुष्ट द्यावारशैतान, यवाड अविश्वासी मंदीक ख्रिस्तद सत्य कमसा राद आंका गुड्योड शेस्काडताड इ अविश्वासी मंदीद मन गुड्डीद शेशीनाद, दीन इचांग की वार ख्रिस्तन गौरवदी सुवार्ता येलगु सुडाराद, यवाड परमेश्वरदी प्रतिरुप उंडाड. 5मीर सुस्तुनारुच, मिम मा बद्दल प्रचार शेयाम मिम प्रचार शेस्ताम की येशु ख्रिस्त प्रभुड उंडाड, इंगा मिम येशुन इचांग मी सेवक उंडाम. 6येनटीक की परमेश्वर यवाड आनीन्या, अंधकारला यलगु कावाला, इद्दे यलगुन मना अंतकरणला चमकामत्या दिनिचांग की मनाम परमेश्वर गौरवनी गुरतु फट्टाला याद येशु ख्रिस्तन मुती मिंदा कमस्ताद.
कमजोरीला परमेश्वरदी शक्ती
7पण माद इदी धन मा देगार मन्नु बतकुलाला#4:7 मन्नु बतकुलाला मनशी कमजोरीद वगा रूप मनाद फय उंडाद, याद सुपिस्ताद की परमेश्वरदी शक्ती मना कमजोरीला फनी शेस्ताद. उंडाद, दिनदी अर्थ इदी उंडाद की, इदी अलौकिक सामर्थ्य माद लेद, पण परमेश्वरदी उंडाद. 8मा मिंदा आन्नी तीकेल संकटलु वस्ताय पण मिम तोक्केदेंक दालेद, मिम हैराण उंडाम पण निराश लेम. 9माद छळ आयताद, पण परमेश्वर माद त्याग शेयालेद, मिम किंदा फडीनोर उंडाम तरी पण मिम नष्ट कालेद. 10मिम नेहमी मा फयला येशुनदी साव येकेन तिरगुताम, दिनिचांग की मा फयला येशुनदी जीवन प्रकट कावाला. 11येनटीक की मिम यवार जिवंत उंडाम मिम नेहमी येशुन इचांग सच्चे धोकाला उंडाम दिनिचांग की मा सच्चे फयला येशुनदी जीवन प्रकट कावाला. 12इल्ला, मिम सच्चे धोकाला जगास्ताम, पण दिनदी मी इचांग सार्वकालिक जीवन उंडाद.
सार्वकालिक तीकुड कंडलु केंद्रित शेशेद
13निन विश्वास फेटतीन इंगा दानिचांग निन माटलाडतीन, इदी यल्ला पवित्र शास्त्रला राशीनेद उंडाद, आल्ले मनाम पण विश्वास फेटनाम इंगा दानिचांग माटलाडताम, येनटीक की मना लोना पण विश्वासदी आत्मा उंडाद.#स्तोत्रसंहिता 116:10. 14येनटीक की मनाक इदी यरका उंडाद की, प्रभु येशुन यवाड साव लोन्केल लेप्या वाड मनालनी पण येशुन जताक साव लोन्केल लेपी इंगा वाड मोमलान मी जताक वान उपस्थितीला येका फोई. 15इ आन्नी माटलु मी फायदा इचांग उंडाय, दिनिचांग की आदी कृपा याद जास्तीत जास्त मंदी नंताक फोयतुनाद, परमेश्वर गौरव इचांग धन्यवादला वाढायाला.
क्षणदी दुख इंगा सार्वकालिक वैभव
16इद्दे कारण उंडाद की मनाम निराश काम. जरी मनाद इदी बैटुडदी फय नाश आयतुनाद, तरी पण मनाद अंतरात्मा धीन्ना-धीन्नामकी कोत्ताद आयकेन फोयतुनाद. 17येनटीक की मनाद इंतुस्का इ दुखलु इंगा संकटलु#4:17 दुखलु इंगा संकटलु पौल पृथ्वी मिंदुड दुखलान इंगा संकटलान स्वर्गलोन सार्वकालिक गौरव तुलनाला तुच्छ समजास्ताड. मना इचांग सार्वकालिक इंगा येनटीक सीमा लेद इल्लोनदी गौरव तैयार शेस्ताद, याद अतुल्य उंडाद. 18दिनिचांग मनाम इप्पुड कंडलाता कमशे दुखलु इंगा संकटलु सुडाम तर याय कंडलाता कमसाव आ माटलान सुस्ताम येनटीक की कमशे वस्तुल तर काही वेळ इचांग उंडाय पण याय कमसाव आय सार्वकालिक उंडाय.
Attualmente Selezionati:
2CO 4: WNT
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi