I Versetti Biblici più popolari da 2CO 4

Condividi

दिनिचांग मनाम इप्पुड कंडलाता कमशे दुखलु इंगा संकटलु सुडाम तर याय कंडलाता कमसाव आ माटलान सुस्ताम येनटीक की कमशे वस्तुल तर काही वेळ इचांग उंडाय पण याय कमसाव आय सार्वकालिक उंडाय.

इद्दे कारण उंडाद की मनाम निराश काम. जरी मनाद इदी बैटुडदी फय नाश आयतुनाद, तरी पण मनाद अंतरात्मा धीन्ना-धीन्नामकी कोत्ताद आयकेन फोयतुनाद. येनटीक की मनाद इंतुस्का इ दुखलु इंगा संकटलु मना इचांग सार्वकालिक इंगा येनटीक सीमा लेद इल्लोनदी गौरव तैयार शेस्ताद, याद अतुल्य उंडाद.

मा मिंदा आन्नी तीकेल संकटलु वस्ताय पण मिम तोक्केदेंक दालेद, मिम हैराण उंडाम पण निराश लेम. माद छळ आयताद, पण परमेश्वर माद त्याग शेयालेद, मिम किंदा फडीनोर उंडाम तरी पण मिम नष्ट कालेद.

पण माद इदी धन मा देगार मन्नु बतकुलाला उंडाद, दिनदी अर्थ इदी उंडाद की, इदी अलौकिक सामर्थ्य माद लेद, पण परमेश्वरदी उंडाद.

इ युगलोन दुष्ट द्यावार इ अविश्वासी मंदीद मन गुड्डीद शेशीनाद, दीन इचांग की वार ख्रिस्तन गौरवदी सुवार्ता येलगु सुडाराद, यवाड परमेश्वरदी प्रतिरुप उंडाड.

येनटीक की परमेश्वर यवाड आनीन्या, अंधकारला यलगु कावाला, इद्दे यलगुन मना अंतकरणला चमकामत्या दिनिचांग की मनाम परमेश्वर गौरवनी गुरतु फट्टाला याद येशु ख्रिस्तन मुती मिंदा कमस्ताद.