लुका 3
3
बप्तिस्मा याज्याउ युहन्नावइ ओप्रचार
मत्ति ३:१-१२; मर्कुस १:१-८; युहन्ना १:१९-२८
1रोमि महाअर्गे तिबेरिअस्वइ राज्य ओदोउ पन्ध्र बर्स जासो ले। होबेलाक पन्तियस पिलातस यहुदिया छेत्रलाउ रोमि बदा हाकिम् ले। होबेलाक हेरोद गालिल इलाकालाउ सासक ले। नोइ ओपार्जा फिलिप इतुरिया सोनो त्राखोनितिस इलाकालाउ सासक ले, लुसानियास चाहिं अबिलेने इलाकालाउ सासक ले। 2होबेलाक प्रधान पुजारि चाहिं हन्नास सोनो कैयाफानि लेनि। होबेलाक ज अर्मिर सु मालेउ थाउँल जकरियावइ ओजा युहन्नास परमेस्वर अस्पाँके। 3युहन्नावइ यर्दन भैवइ ओआस्पासयाल हिंद अर्मिरलाइ अइजैद प्रचार दोकेउ, “जेपाप सुइकार दाच्यो सोनो बप्तिस्मा रैंच्यो हुकिं परमेस्वरवइ जे जेपापलाइ छेमा दान्या ले#यसैया ४०:३-५।” 4परमेस्वरङि अस्पाँन्या यसैयावइ परमेस्वरवइ ओबचनल अइजैद अप्सर्द नौ,
“अर्मिर सु मालेउ थाउँत तुबु अर्मिवइ घ्यो अर्गास अइलेज्या, परमप्रभुवइ ओघ्वा तयार जैच्यो ओल् अस्बान्या घ्वार यासोजैच्यो।
5स्यो खोल्सा-खोल्सि पुरिउपरि, स्यो दाँदार बाँ याजैच्यो। घुमार घ्वार सोजो सोनो अखत्याउ घ्वार सजिलो जौपरि।
6हैजैद स्यो प्रानिराइ परमेस्वरवइ यान्या मुक्ति राँन्या लेर।”
7आउकारन युहन्नावइ ओलेउक बप्तिस्मा रैन्या राज्याउ अर्मिरलाइ नोइ हैयादोकेउ, “ए घुल्वइ ओजार, परमेस्वरवइ ओन्यायङि उमकिन्या सुइ चेताउनि ओयाच्यो#मत्ति १२:३४; २३:३३? 8जे दसा जेपाप रास्द परमेस्वरदि ओल्न्या जेयुउँ उलिज्याकिंलेक हो अनुसार ज लेच्यो। तर ‘गे अब्राहामवइ ओसन्तानर’ हैलेद परमेस्वरवइ ओदन्दङि उमकिउ अस्दैन्या जेमाले। नेलाइलेक ङा जेलाइ हैङादाच्योज्या, परमेस्वरवइ आउ लुँराङितिं ब अब्राहामको लागि सन्तान जैदुउ#युहन्ना ८:३३। 9आर्कज सिंगुरवइ ओफेदत अर्वा परिद ले। अप्चाउ जैद माप्सेन्या स्यो सिंरलाइ दलैद मिंल भिंसिन्या ले#मत्ति ३:१०; ७:१९ ।”
10अर्मिराइ युहन्नालाइ अस्गेंकेर, “हुकिंलेक गे नाति दाउपरि?”
11युहन्नावइ नोरलाइ जबाफ यायोकेउ, “जोस नेजोर क्वा लिज्या होइ मालेउलाइ तजोर ओयोउक, जोस ज्यान्याँ चिस् लिज्या होइ ब ओज्याउ मालेउलाइ ओयोउक।”
12स्यार्मा उथैन्या अर्मिर बप्तिस्मा रैन्या राकेर, हैजैद नोराइ युहन्नालाइ अस्गेंकेर, “गुरु ज्यु, गे नाति दाउपरि#लुका ७:२९?”
13युहन्नावइ नोरलाइ हैयादोकेउ, “जेलाइ सरकारवइ जोह्वाकाना स्यार्मा उथैच्यो हैदासिउ लिज्या हो भन्दा भ्या ताउथैच्यो।”
14सिपाइराइ ब युहन्नालाइ अस्गेंकेर, “गेचाहिं नाति दाउपरि?”
युहन्नावइ नोरलाइ हैयादोकेउ, “गुँरलाइ कर्काप्ल पारैद अथबा ग्वार्द दोस लैद सुरास ब रुप्या तारैच्यो। बरु जेतलबत ज सन्तोक जास्द लेच्यो।”
15फरिसि हैयादाज्याउ यहुदिराइ मुक्ति यान्या ख्रिस्त रान्यावाला अर्गेलाइ कलेंज्याउर लेर, स्योराइ यायुउँल युहन्ना ज ख्रिस्त ओजासो सिं हैलेद बिचार दाज्याउर लेर, 16युहन्नावइ नोर स्योरलाइ जबाफ यायोकेउ, “आर्क ङा जेलाइ रिइवइ बप्तिस्मा#3:16 बप्तिस्मा: रिल दुबिद बिस्वासिराइ पुरानो यास्वभावलाइ रास्द सारो जास्द बाँचिन्या। ङायाच्योज्या तर तुबु ङा भन्दा सक्तिसालि राज्या, होइ ओपोवला छिं पलान्या योग्यलाउ ङा ङामाले। होइ जेलाइ पबित्र आत्मा सोनो मिंवइ बप्तिस्मा यान्या ले। 17अन्लाइ मोन्या भरा उकुइत लिज्या, अन्लाइ धराल छुम्न्या ले, तर उपुल्लाइ खर्कज मासिन्या मिंल मुन्या ले।”
18अइजैद युहन्नावइ नो अर्मिरलाइ अर्थि अराउ याउयाँ स्योरलाइ अप्चाउ खबर यास्थैकेउ। 19अर्गे हेरोदवइ ओपार्जाइ ओज्या हेरोदियासलाइ बेहा दाद ओल्स ओनौ कारन युहन्नावइ नोलाइ हप्कैकेउ। युहन्नावइ हेरोदवइ गुँ ओपापर ब अस्तैंद योकेउ। 20हेरोदवइ युहन्नालाइ झ्यालखानाल जाद नोइ माप्चाउ एन् त झन गुँ माप्चाउ एन् दोकेउ#मत्ति ४:१२; १४:३-४; मर्कुस ६:१७-१८ ।
येसुइ बप्तिस्मा रैकेउ
मत्ति १३:१७; मर्कुस १:९-११
21स्यो अर्मिराइ बप्तिस्मा रैकेर, हुकिं येसुइ ब बप्तिस्मा रैकेउ, हैजैद येसुइ प्राथना ओदाज्याक, स्वर्ग फैसिके, 22हैजैद पबित्र आत्मा कुइतम्वइ उरुपल ओकलाँत चुँरैके। हुकिं स्वर्गतिं तुबु अर्गा राके, “ना प्यारो ङाजा, नास ङा भ्या खुसि ङालिज्या#उत्पत्ति २२:२; भजनसंग्रह २:७; यसैया ४२:१; लुका ९:३५।”
येसुवइ ओबंसावलि
मत्ति १:१-१७
23येसुइ ओसेवाकायलाउ एन् सुरु ओदाज्याक उउमेर तिस बर्स ह्वाकाउ जासो ले। अर्मिराइ योसेफलाइ ज येसुइ ओबाबु हैदोर। योसेफ एलिवइ ओजा ले, 24एलि मतातवइ ओजा, मतात लेविवइ ओजा, लेबि मल्किवइ ओजा, मल्कि यान्नावइ ओजा, यान्ना योसेफवइ ओजा 25योसेफ मत्ताथियासवइ ओजा, मत्ताथियास आमोसवइ ओजा,आमोस नहुमवइ ओजा,नहुम इसलिवइ ओजा, इसलि नग्गैवइ ओजा, 26नग्गै माथवइ ओजा, माथ मत्ताथियासवइ ओजा, मत्ताथियास सेमैनवइ ओजा, सेमैन योसेखवइ ओजा, योसेख योदावइ ओजा, 27योदा योआननवइ ओजा, योआनन रेसावइ ओजा, रेसा यरुबाबेलवइ ओजा, यरुबाबेल सालतिएल नेरिवइ ओजा, 28नेरि मल्किवइ ओजा, मल्कि अदिवइ ओजा,अदि कोसामवइ ओजा, कोसाम एलमादमवइ ओजा, एलमादम एर्वइ ओजा, 29एर् यहोसुवइ ओजा, यहोसु एलिएजरवइ ओजा, एलिएजर योरिमवइ ओजा, योरिम मत्तातवइ ओजा, मतात लेविवइ ओजा, 30लेबि सिमियोनवइ ओजा, सिमियोन यहुदावइ ओजा, यहुदा योसेफवइ ओजा, योसेफ योनानवइ ओजा, योनान एल्याकिमवइ ओजा, 31एल्याकिम मलेआकावइ ओजा, मलेआ मिन्नाकावइ ओजा, मिन्ना मत्ताथावइ ओजा, मत्ताथा नातानवइ ओजा, नातान दाउदवइ ओजा, 32दाउद यिसैवइ ओजा, यिसै ओबेदवइ ओजा, ओबेद बोअजवइ ओजा, बोअज सल्मोनवइ ओजा, सल्मोन नहसोनवइ ओजा, 33नहसोन अम्मिनादाबवइ ओजा, अम्मिनादाब आरामवइ ओजा, आराम हेस्रोनवइ ओजा, हेस्रोन फारेसवइ ओजा, फारेस यहुदावइ ओजा।
34यहुदा याकुबवइ ओजा, याकुब इसहाकवइ ओजा, इसहाक अब्राहामवइ ओजा, अब्राहाम तेरहवइ ओजा, तेरह नाहोरवइ ओजा, 35नाहोर सरुगवइ ओजा, सरुग रउवइ ओजा, रउ पेलेगवइ ओजा, पेलेग एबेरवइ ओजा, एबेर सेलहवइ ओजा, 36सेलह केनानवइ ओजा, केनान अर्पछ्दवइ ओजा, अर्पछ्द सेमवइ ओजा, सेम नोआवइ ओजा, नोआ लेमेखवइ ओजा, 37लेमेख मतुसेलहवइ ओजा, मतुसेलह हनोकवइ ओजा, हनोक येरेदवइ ओजा, येरेद महलालेलवइ ओजा, महलालेल केनानवइ ओजा, 38केनान एनोसवइ ओजा, एनोस सेतवइ ओजा, सेत आदमवइ ओजा, आदम परमेस्वरवइ ओजा ले।
Attualmente Selezionati:
लुका 3: MAIK
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2024 (Active), Mother Tongue Translators Society and Wycliffe Bible Translators, Inc. All rights reserved.
